幸福麵館

营业中

休息中

呢間幸福麵館真係好可以話係隱藏係小巷嘅寶店。佢嘅車仔麵真係好好味，今日閒日嚟試嘅時候都已經好多人，令我非常期待呢度嘅車仔麵價錢唔算貴，食後覺得好出色值得推介。朋友點左魚魚面，魚味鮮甜濃郁，配料好多魚🤣有魚腐，鯪魚肉，魚蛋，魚皮餃，魚肉春卷，香菇同菜等等，簡直超豐富又夠魚，唔同食料唔同口感味道，配搭油麵真係啖啖滋味。我就揀咗個自選四送車仔麵，金錢肚炆得夠晒入味，蝦餅又彈牙，魚肉春卷吸左湯汁好好味，配料份量十足，餐廳真係落足本。可以選擇唔同醬汁，按自己口味喜好，層層香味太好食！另外都試左個馬來蝦米辣椒醬（免費問職員拎），超級推介，風味十足，唔會太辣，反而蝦米香味更突出，絕對令味道提升！呢餐食完真係好滿足，食完又唔會口渴，港式風味滿滿，讚！