幸福麵館

营业中

休息中

第一次試佢哋就被徹底征服！味道簡直驚艷到爆，每一啖都係滿滿嘅幸福感！食材搭配超級豐富，新鮮度滿分，完全感受到老闆喺選材上嘅極致用心，絕對唔係求其應付嘅普通小店~ 店裡環境都超正！整潔明亮嘅用餐區，餐具都閃閃發光，連角落都一塵不染，食得超級放心！老闆對細節嘅把控真係好令人感動，呢種對品質嘅堅持而家真係好少見~ 咁正嘅寶藏店舖必須要讓全世界知！我要畀爆燈好評！無論係味道、服務定環境都無得彈，絕對值得N刷！仲未食過嘅朋友快啲衝，咁正嘅神仙美味唔可以畀任何人錯過！

同大佬放假去荃灣覓食，俾我地發現一間主打港式車仔麵的小店。裝飾似舊式香港風格，座位唔算好多，但keep住一入一出，人流都多！整體乾淨衛生，價錢合理。  ⦁魚魚麵⦁豬豬麵我地揀了兩款招牌麵，貪佢方便唔洗諗配料。我地自己挑選麵底（可轉菜底），湯底等，製作岩自己口味的車仔麵！整體份量偏多，細食的朋友仔可嗌少麵。🐟魚魚麵入面有不少魚制品（魚腐，魚條等）有大佬喜歡的陳皮魚蛋。另外，🐷豬豬麵入面有豬手、豬紅，豬皮等，超級豐盛。  ⦁經典煎釀三寶⦁炸椒鹽燒賣兩款小食都富有香港特色，我同大佬覺得煎釀三寶較為出色，即叫即炸，唔會翻炸，仲落仲熱辣辣。而炸燒賣都系我同大佬既童年回憶，每次見到都會想食。😋😋  ⦁檸檬茶（跟餐）⦁馬來蝦米辣椒醬（問店員拎）建議一試尼款蝦米辣椒醬，睇落乾身，食落香口，唔會好辣！如果有得一樽買走，我應該會買至少兩樽😂😂  

食完又再黎食😋喺荃灣嘅「幸福麵館」，呢度嘅港式車仔麵真係好受歡迎，選擇多到眼花撩亂！我哋今次叫咗兩碗唔同嘅麵。第一碗自選5餸麵： 滷水汁湯底；呢個滷水汁湯底香氣十足，味道濃郁，我叫咗少辣，所以唔會太刺激。 滷水雞翼尖和滷水牛舌：肉質好嫩，滷水味道好入味。 魚肉春捲：外皮酥脆，內餡鮮嫩。蝦餅口感彈牙，味道鮮美。魚腐吸收咗湯底嘅味道，好正。第二碗自選5餸麵： 沙爹湯底，湯汁濃郁，帶有花生醬嘅香氣，微辣嘅味道好開胃，食落去有種特別嘅風味。滷水腩肉、滷水雞翼和 滷水牛舌：腩肉嘅脂肪適中，肉質軟嫩，食落去好滿足。 牛肉丸：牛肉丸彈牙。 魚肉春捲：外皮酥脆，內餡鮮嫩。

Lunch time 同同事食飯，見係多款式既車仔面，就入咗去食見到牛牛面，有咁多唔同類別既牛，menus 寫有牛膀，牛筋，牛腩，而且寫到明冇果樣野就有牛肉餅或者雞翼replace ，就叫左嚟食上到枱見到都幾豐富，但打鬆個面就發現冇牛膀，咁見到有牛肉餅都明嘅，少一樣但再睇下，點解會冇牛筋呢？向樓面姐姐表示冇牛膀同牛筋之後，佢同我講有牛肉餅，我話咁雞翼呢？佢入廚房講完之後，比我聽到，廚房只係向樓面姐姐表示有多牛腩（啲牛腩細粒到我都唔知多幾多）然後樓面姐姐只係後補左牛膀比我，咩解釋都冇，但亦都冇將廚房所講嘅轉達比我知湯底我揀牛腩汁，但淡而冇味我只能講份量少，唔會飽，而且比少咗野你都唔會知！！！提出都冇咩用

本來想食隔籬嗰間日式蛋包飯，點知人哋晚市一定要訂位，所以就嚟試吓呢間車仔麵。見其他食評推薦豬豬面餐，就叫咗個，另外叫咗個三餸麵，豬軟骨、冬菇、腐竹米 。豬豬面係有豬手，豬皮，豬紅 。豬手係滷水過嘅腦汁同其他餐廳有啲唔同，偏向台灣嗰種，有藥材味嘅滷水。炆得唔會太腍，有啲咬口。另外，豬紅豬皮味道就同大部份餐廳一致。豬軟骨都好好味，冇汁係偏甜嘅肉都炆得好腍唔會黐牙，最誇張嘅係份量，整整三大嚿豬軟骨，食完呢個餸都幾飽。每一個餸都可以揀唔同嘅執底，佢又腩汁沙嗲咖喱等等，仲可以挑選唔同嘅辣度，我見佢枱上邊有擺咗罐辣味雞粉，所以面冇叫太辣，但係我發現佢枱上嘅辣粉同後廚加嘅嗰種辣汁係唔一樣，後廚嘅辣汁係更加惹味 。埋單100出頭，真係幾抵食 。

呢間幸福麵館真係好可以話係隱藏係小巷嘅寶店。佢嘅車仔麵真係好好味，今日閒日嚟試嘅時候都已經好多人，令我非常期待呢度嘅車仔麵價錢唔算貴，食後覺得好出色值得推介。朋友點左魚魚面，魚味鮮甜濃郁，配料好多魚🤣有魚腐，鯪魚肉，魚蛋，魚皮餃，魚肉春卷，香菇同菜等等，簡直超豐富又夠魚，唔同食料唔同口感味道，配搭油麵真係啖啖滋味。我就揀咗個自選四送車仔麵，金錢肚炆得夠晒入味，蝦餅又彈牙，魚肉春卷吸左湯汁好好味，配料份量十足，餐廳真係落足本。可以選擇唔同醬汁，按自己口味喜好，層層香味太好食！另外都試左個馬來蝦米辣椒醬（免費問職員拎），超級推介，風味十足，唔會太辣，反而蝦米香味更突出，絕對令味道提升！呢餐食完真係好滿足，食完又唔會口渴，港式風味滿滿，讚！

琴日去南豐紗廠拍拖，附近睇吓有咩食，發現附近新開咗間車仔麵😋就入嚟試下～入到去裝修簡約風格，環境乾淨企理！座位闊落有QR code落單非常方便，菜單非常清晰！多種餸車仔面選擇～美食⭐️⭐️⭐️⭐️🩵幸福自選6餸車仔麵六餸車仔麵自選麵底我哋揀咗河粉，餸想試吓雲吞、秘製金錢肚 、秘裂牛筋 、潮州牛肉餅、牛腩（牛肋條）、極上牛筋丸 ，湯底係新鮮無添加豬骨8小時熬製而成！我哋加埋牛腩汁、沙嗲汁成個湯底變得非常惹味！食完真係有幸福感覺嘅車仔麵🫶🏻🩵經典煎釀三寶煎釀三寶都非常出色，好香炸蒜豉油一碟熱辣辣！好好食😋煎釀三寶愛好者🩵無糖可樂@happiness_tsuenwan📍幸福麵館（荃灣）新界荃灣享成街6號舖

幸福麵館今次係我第二次回訪呢間車仔麵餐廳，呢間叫「幸福麵館」，上次我記得店員幫我去附近車房借塊板比我入去，今次我自己帶我塊斜板入去，睇見今次餐廳好多人嚟食真係好開心，「創業易，守業難」真係要繼續加油，牛筋丸依然好味，隔咗咁耐食物質素仍然無變，真心好掂！今次入去食發現枱上面多咗三支野，第一支係辣椒粉，辣椒粉係出自 @x1493spice ，第二支係糖漿，如果飲品唔夠甜嘅話，可以自己加糖漿，第三支係辣菜脯，可以比你無限加入車仔麵入面，無食八個月餐廳轉變好大，唔錯！1.八寶心滿意足（澳洲牛筋丸、手打魚蛋、陳皮魚蛋、牛肋條、牛筋、豬皮、豬紅、咖哩魷魚同冰糖蘿蔔）$58+熱咖啡$3（9.5/10）呢碗八寶心滿意足上次都有叫，入面總共有九種餸，包括有2大粒好有牛味又好彈牙嘅澳洲牛筋丸、2粒彈牙嘅手打魚蛋、2粒彈牙嘅陳皮魚蛋、2舊有少少痴牙嘅牛肋條、2舊好淋嘅牛筋、2塊索哂汁嘅豬皮、4舊豬紅、2舊好彈牙嘅咖哩魷魚同好甜多汁無渣嘅冰糖蘿蔔，仲有一條菜心，麵底揀咗幼麵，湯底揀咗牛腩汁，幼麵索哂牛腩汁，好味！套餐加熱咖啡只係加$3，咖啡比較偏酸，唔夠香濃！2.牛牛麵（澳洲牛筋丸、秘製牛肚、牛舌、牛腩、自製

睇戲前喺附近行下睇下有咩岩食，見到開左間新既車仔麵就想試下，因為可以快食～叫左下面啲菜色式一人餐 - 牛牛麵 $83 🐄🍜車仔粗，腐乳通菜，鴨屎檸檬茶。澳洲牛筋丸、潮州牛肉餅、牛腩、牛肋條、秘製金錢肚、滷水牛筋、冰糖蘿蔔呢個牛牛麵份量一啲都唔少，麵底多，而且好足料，牛筋丸超級彈牙，秘製金錢肚好入味，個牛筋軟淋適中。👅豬豬麵 $58 🐖🍜豬豬自選麵底（油麵），湯底豬骨湯及秘製魷魚汁（辣），中辣，熱檸茶豬大腸、豬手、貢丸、腩肉、豬皮、豬紅、時菜豬豬麵個豬骨湯底好鮮甜加埋辣既秘製魷魚汁一流呀！豬大腸好易入口，要一讚個豬皮👍🏻係吸哂啲湯汁，正，豬手擺喺最尾內食因為覺得係重點，豬手煮得好腍，好似入口即溶咁。🌶️另外呢到提供無限量既菜脯，對於我呢啲鍾意食辣既人係好吸引。✨✨✨經典煎釀三寶 $26✨✨✨✨呢個我覺得係必點，無諗過一間車仔麵店可以整到咁出色既煎釀三寶，一定要趁熱食，個紅腸釀左好彈牙既魚肉，啖啖肉，仲要價錢係非常合理。同埋店內既店員都好有禮貌亦都好好客。住喺荃灣附近又多左一間車仔麵既選擇，對於我呢啲車仔麵愛好者又可以減少選店既困難👍🏻

幸福麵館位於享成街10號香城大廈地下6號舖，今日終於可以来食啦！返工最幸福嘅事莫過于放飯時間，又可以輕鬆一下了，今日同同事選擇左呢间面館，網上睇過，呢間麵館噶湯底是新鮮無添加，豬骨8 小時熬製的，甘樣當然要來試下啦！环境：地方都算闊落，不會感覺擠逼，整体干净整潔！营业时间: 周一至周日 11:15-21:00.服务：小姐姐服務態度都幾好！手機下單了魚魚面，豬骨清湯：魚味濃郁，加上豬骨湯，超鮮甜，里面還有魚腐，香菇，鯪魚肉，魚蛋，魚皮餃，菜底，簡直超豐富！另一個就是豬豬自選米線加秘製魷魚汁，少少辣，這個湯底就比較惹味，餸選了東菇，豬皮，豬肉丸，豬紅，滷水豬耳，滷水豬手，豬手燜得入味 Q 彈，冬菇都好厚實，再加上檯面上的辣菜圃，幸福馬上就有了！值得一提的就是糖漿系自家制，無論凍飲定熱飲，糖漿可以根據自己可以接受的甜度選擇加多與少！好人性化👍吃飽又有動力做牛馬了😂

麵如其名，幸福感滿滿嘅車仔麵究竟係咩味呢？湯底每日用新鮮豬骨熬製8個鐘、秘製手炒辣菜脯、秘製辣椒醬、蝦米醬等等，完全感受到店家嘅誠意👍🏻四餸盛惠$52，包飲品，麵底可以轉菜底，唔洗加錢之餘，菜嘅份量都唔少，啱曬減肥人士😋秘製蘿蔔清甜軟爛，有成三四件，每件都好大舊～冬菇同豬紅都燜煮過非常入味，豬軟骨肥瘦相間，肉質軟淋，連軟骨位都係一咬就爛😻咖喱界花魷魚坊間車仔麵好少見，界咗花就彌補咗魷魚唔易入味嘅問題🤓本身連熱飲，凍飲+$3，糖水係自己落，呢點超抵讚👍🏻輕輕鬆鬆自己調教甜度～另外值得一提係兩位店員態度都非常好，即使繁忙時段已經忙到冇停過，但問佢地拎辣椒醬都即刻攞過黎，見到對其他食客態度都好好，有求必應🫡

店名：幸福麵館（荃灣）地址： 荃灣亨成街6號舖（香城大廈地下）1.魚魚麵（粗面，豬骨湯底） $55配料：魚皮角、陳皮魚蛋、魚肉春卷、金沙魚腐、手打魚滑、冬菇、精選時菜配料好正，魚肉春捲彈牙，陳皮魚蛋惹味，魚腐有咬口，索埋豬骨湯好好食，冬菇入味，魚滑新鮮；新鮮豬骨湯底係經過八小時精心熬製👍👍👍2.招牌八寶心滿意足（幼麵，腩汁）$58配料：澳洲牛筋丸，長洲大魚蛋，陳皮魚旦，牛肋條，牛筋，豬皮，豬紅、咖喱鱿魚、蘿萄牛筋丸好味，有肉汁，二種魚蛋都好彈牙，豬紅實身，唔似其他地方一夾就散，豬皮滑身無毛，牛肋條牛筋好正，煮得好淋身，一咬就開，咖哩魷魚惹味，蘿蔔清甜冇渣😋😋3. 2杯熱檸水跟餐 $6食完麵可以加湯，千祈唔好浪費尼個機會，碗湯真係好好飲🤤，食完麵我仲可以飲多一碗，你就知幾好飲。佢重可以加其他醬料調味（黑醋，豉油，甜醬，紅醋，辣菜脯，辣椒醬，蝦米辣椒醬），兩款辣椒醬都勁香，總有一款啱你總價$119

香港人的幸福可以好簡單，簡單如一碗熱辣辣嘅車仔麵。荃灣西呢間幸福麵館，標榜「豬骨足料濃湯 每日新鮮熬製8小時」，食完真係一啲口渴都冇～嚟到一定要試埋佢自家製勁辣菜脯，爽脆惹味～菜有四款可以揀，菜心非常幼嫩，爽～幸福自選三餸車仔麵好體貼可以揀麵嘅軟硬度，而車仔餸選擇有成38款，好多經典懷舊餸都有，非常用心～我揀左長洲特色大魚蛋、紫菜同潮州墨魚餅，湯底揀咗沙嗲汁微辣～長洲大魚蛋超級彈牙，勁大粒好過癮～墨魚餅用墨魚滑加墨魚粒手打咁整，每一啖都係勁彈牙～特別一提面都有好多選擇，我就揀咗菠菜麵，非常有嚼勁～牛牛麵朋友係牛肉迷，佢揀左呢碗牛牛麵～餸就有澳洲牛筋丸、秘製牛肚牛筋、牛舌牛腩、同埋冰糖蘿蔔～一食就知道牛嘅不同部分用咗好多心機去炆，牛肚牛筋都炆到非常腍，牛筋直頭入口即溶～牛筋丸又係勁正，一咬爆哂汁～

今次要介紹荃灣新開一間叫「幸福麵館」,位於 荃灣享成街10號香城大廈地下6號舖。餐廳環境乾淨座位又闊落,位置都方便,近愉景新城!今次試左兩款招牌麵食,牛牛米綫同八寶心滿意足油麵。牛牛麵一次可以試勻牛多不同部位,牛魔王必叫 之選,澳洲牛筋丸、秘製牛肚、牛舌、牛腩、秘 制牛筋、冰糖蘿蔔。八寶包含八款車仔麵常見配料:極上牛筋丸,柱侯 牛腩(牛肋條),滷水豬紅,咖喱魷魚(辣),長洲 大魚蛋,冰糖蘿蔔,陳皮魚蛋,精選時菜,而且 份量勁多,價廉物美,物超所值!不得不提的是湯底,每天用8小時以新鮮豬骨淆 製而成,可謂是一碗比人有幸福感及健康的車仔麵!

「令人感到幸福嘅車仔麵🍜」呢間店標榜「新鮮豬骨湯熬製8小時」，另外仲可以加唔同嘅醬汁：咖喱汁、腩汁......餸菜選擇都唔小，價錢算合理，所以今日同朋友一齊試吓：🧡幸福自選3餸車仔麵 $49（生菜底）首先湯底：呢個豬骨湯標榜冇味精，所以比較清新路線，湯底完全不會油膩，如果你食慣勁濃味嘅嘢會覺得淡咗少少，如果唔夠味建議可以再加瑞士汁或者沙嗲汁調味，加辣汁或者辣菜脯都係好選擇！辣汁屬於香辣款式，呢個為車仔麵加咗好多分數！🩷🥬好貼心，麵底可以轉生菜🐟魚肉春卷兩條：春卷味道都濃郁，魚肉都算彈牙有口感！🐷雲吞（豬肉）：呢個雲吞個皮勁薄，入口好幼滑，入面就係簡單嘅豬肉餡料，細細粒容易食！🐃秘製牛筋：勁大條嘅牛筋，煮得勁腍，合格！💚幸福自選3餸車仔麵 $48 🤎加牛腩汁🐖滷水豬手：豬手食得出花心思熬製，因為都係超級腍，調味啱啱好唔會太鹹，都係以滷水汁為主！🐃牛腩（牛肋條）佢整成細細粒好方便食，肉質偏肥，入口好濃烈嘅滷水汁味，味道都幾香濃！✅菜心苗：啲菜望落都算新鮮，唔會煮到太老！小食🤎瑞士大雞翼 $23🐔醬汁方面偏甜，雞翼亦都煮咗好耐，一入口骨肉就分離，雞翼上面加咗少少白芝麻增加香氣，味道都唔錯！✨