妹豬無激素雞專門店 (已結業)

妹豬主打無激素雞，每日限量有無激素認證嘅雞隻，即日整即日清，保證新鮮。佢哋嘅雞係用低溫煮～ 令雞肉更加嫩滑多汁。佢哋好多款式，但玫瑰油雞今日已經俾人訂晒結果我今日就試左：慢煮無骨滑雞飯同慢煮秘製沙薑雞飯。慢煮無骨滑雞飯（$88）：呢個係佢哋嘅招牌菜🤞🏻雞皮又薄又爽，最正係去咗骨，啖啖厚肉，啲雞肉係嫩滑又好Juicy，而醬汁係佢哋自家調製嘅甜醬油。慢煮秘製沙薑雞飯（$88）：一樣係去骨慢煮雞，配上沙薑醬，沙薑醬散發淡淡的沙薑香味，唔會太咸，用嚟送飯啱啱好。飯會配埋花生眉豆木瓜無激素雞老火湯，就算係送嘅都好出色。飲落好清甜，冇味精，飲完之後係唔會覺口喝～