鳳鳴石磨腸粉 (船塢街) (已結業)

難得今日放假，落去黃埔shopping,路過鳳鳴石磨腸粉，眼前有好多不同嘅選擇同埋自由配搭，有粟米，羅漢齋，豬肉，雞絲，牛肉同埋豬潤等等，仲可以另外加配蟲草花，菜脯等，真係有選擇困難症。最後揀選咗石磨雞蛋豬肉腸比兩個囡囡，我選擇咗熱賣嘅黑米蟲草花蝦米腸。估唔到石磨腸粉真係幼嫩香滑有米香，配上秘製豉油同埋麻香汁，口感提升一百倍😍自家制飲品有四款，我選擇咗竹蔗茅根給囡囡清熱我就嘆紅棗桂圓茶,香而不會太甜，仲有豆漿同羅漢果茶揀，自家制夠健康，清熱解暑最岩。叫腸粉加$12就可以轉套餐，有一支嘢飲同六粒燒賣。好開心嘆咗一個豐富又健康嘅美食。中意食腸粉既朋友一定要試下，一定一試愛上。最最最最最最重要，係佢夠黃呀！