影片
更多
2022-10-08
45 浏览
今日放lunch經過登龍街見到開咗間新既烏冬店，仲記得上手係做日式丼飯，圍板裝修幾個月後終於又有新食店登場🌠餐廳格局同拉麵店一樣，首先係門口有兩部點餐機📲主要分咗熱烏冬同冷烏冬，可能因為新開店員都落力介紹，熱烏冬既湯底全部都自家熬製，濃郁湯頭，冷烏冬就係主打滑溜煙韌口感，小食方面有成過十款，唔少都係第一次見，可惜自家罐子蛋糕賣哂🧁比完錢後就可以揀位，每塊隔板附設一個qr code掃描器，將單上面既code一掃就自然廚房會備餐出黎你既單o位度啦😉淺色木系既設計令人好放鬆唔趕急，檯上除咗餐具墊紙仲有一兜天婦羅碎碎，配上烏冬食有唔同享受😍明太子温泉蛋冷烏龍麵 | $88 | 8/10麵底本身約250g，正常女仔都好夠食，冷烏冬浸係醬油度好冰涼，食落超級煙韌😋不愧係用北海道麵粉每日新鮮製造，温泉蛋令麵身更加滑溜，明太子帶來微微的鹹香口感，灑上天婦羅碎就會沾上麵身，添上香脆感😆中華風擔擔烏龍麵 | $88 | 8/10廚師好快掀開前面擋板上菜，湯底好香濃👀傳來陣陣既麻醬味，帶住少少辣椒油幾惹味，熱烏冬都幾彈牙，麵身都屬於易掛湯類型，旁邊配料有葱花、芫茜、洋葱絲同花生碎，層次感豐富👍🏻🫔明太子芝士
餐廳格局同拉麵店一樣，首先係門口有兩部點餐機📲主要分咗熱烏冬同冷烏冬，可能因為新開店員都落力介紹，熱烏冬既湯底全部都自家熬製，濃郁湯頭，冷烏冬就係主打滑溜煙韌口感，小食方面有成過十款，唔少都係第一次見，可惜自家罐子蛋糕賣哂🧁
比完錢後就可以揀位，每塊隔板附設一個qr code掃描器，將單上面既code一掃就自然廚房會備餐出黎你既單o位度啦😉淺色木系既設計令人好放鬆唔趕急，檯上除咗餐具墊紙仲有一兜天婦羅碎碎，配上烏冬食有唔同享受😍
明太子温泉蛋冷烏龍麵 | $88 | 8/10麵底本身約250g，正常女仔都好夠食，冷烏冬浸係醬油度好冰涼，食落超級煙韌😋不愧係用北海道麵粉每日新鮮製造，温泉蛋令麵身更加滑溜，明太子帶來微微的鹹香口感，灑上天婦羅碎就會沾上麵身，添上香脆感😆
中華風擔擔烏龍麵 | $88 | 8/10廚師好快掀開前面擋板上菜，湯底好香濃👀傳來陣陣既麻醬味，帶住少少辣椒油幾惹味，熱烏冬都幾彈牙，麵身都屬於易掛湯類型，旁邊配料有葱花、芫茜、洋葱絲同花生碎，層次感豐富👍🏻
🫔明太子芝士春卷 | $38 | 8.5/10外表同一般春卷無異，但一口咬落去就有豐香既明太子同拉絲芝士湧出🤤兩樣都重鹹香既野合作又唔係太重口味，超級推薦
🧆日式炸魚餅 | $38 | 7/10兩面都油炸成金黃色，師傅已經吸好油先再奉客，食落有魚漿獨特既彈牙感☺️厚薄適中幾滿足
🍤天婦羅盛盒 | $108 | 7.5/10有齊兩隻炸蝦、帶子、茄子、南瓜同青椒等，定價就略貴🙈帶子外脆內軟幾鮮甜，炸蝦爽彈，蔬菜類仍然保持內在濕潤，果香氣十足
🍳蛋黃天婦羅 | $25 | 7/10將蛋黃分離出再加上炸漿去炸，一打開小小脆漿，蛋汁就即刻流出黎，能夠做到如此流心的狀態，視覺效果既已經好吸引📸食落蛋味爆燈
日本腐皮 | $18 | 6.5/10呢款都幾大塊，比平時食腐皮烏冬杯麵大成倍，食落好香好熱，但味道有d失望，因為比較偏鹹冇咗獨有既清甜☹️
🍗南蠻炸雞沙律 | $48 | 7.5/10日式炸雞加埋酸酸地既他他醬食極都唔會膩，炸皮相當薄身，一咬就有雞肉既鮮嫩肉汁😍可以夾埋沙律菜食，添上一層清爽感
🍤天婦羅海老 | $35 | 8/10海老既Size絕對唔細，食落外酥內軟啖啖蝦肉，油温控制得幾出色😊
🥩吉列黑豚 | $58 | 8/10正宗既日式炸豬扒，炸衣鎖緊咗黑豚扒既肉汁，一咬就有油脂感，肥瘦適中既肉質，醬汁唔會偏鹹，有茄汁味開胃解膩😝
🍵自家冷泡茶 | $25 | 7/10餐廳估唔到除咗日本汽水仲有冷泡茶，幾有台式店既feel，要咗呢枝炭焙烏龍，茶香滿溢唔會澀，加咗甘草粉令回味變得甘甜，食咗咁多炸物飲返枝都冇咁罪惡
张贴
