舊果香林豆腐花

营业中

休息中

踩單車入到大埔墟，當然要食碗豆腐花啦。由大埔區既朋友帶路，表示最出名既xx豆腐花其實唔算係最好味，帶左我地過黎大明里呢邊。一個小舖位，無枱，得幾張櫈，但都有幾多人排隊，同幾多人拎住碗豆花就咁係街食。豆腐花有好多選擇，基本上溝大部分既中式糖水都有，我就選擇左最原始既桂花冰糖豆腐花。豆腐花滑溜，豆味香濃。黃糖、薑糖等等都係自己加既，中意幾多就落幾多。不過唔知加完黃糖之後，桂花味就食唔係好到。熱豆花幾大碗，食完都好飽肚，好滿足。