尚上下夏 - 養生雞煲火鍋 (已結業)

平時行過這裡通常都唔會行到這裡就回頭，今晚同朋友行行下就見到這間雞煲火鍋店，朋友見到心血來潮就係咁入去了，餐廳分了外面位置同室內位置，天氣熱當然要室內位置，座下後望望餐牌，雞煲火鍋可以分開選擇，如果只吃雞煲或只打邊爐都可以。我們當然又雞煲同火鍋啦！雞煲有以半隻或一隻雞件份量外，還有我喜歡嘅雞髀選擇，沒有骨啖啖肉，我們選了半份少辣，上台時雞煲內放滿了芫荽，在下面就係啖啖又入味嘅雞髀肉，當中還有少量豬皮，大大塊之餘十分入味，個種麻辣香味不論雞肉同豬皮都十分入味！而火鍋湯底就點了瑤拄群翅雞湯，當雞煲食到差不多時，店員就在雞煲上放入瑤拄群翅雞湯底，哩個價錢都算足料，有瑤拄群翅，雞件，火鍋食物就當然係點了份招牌手打四寶丸，有彈牙爽口嘅墨魚丸，肉質結實嘅雞丸，香濃蝦味嘅蝦丸，彈牙煙靭嘅豬肉丸，除此之外還加了份鬼馬墨魚，在油炸鬼上放滿了墨魚滑之餘還有一層蟹籽，放在濃郁湯底約一分鐘左右，墨魚滑個種彈牙口感加埋油炸鬼吸了湯底精華，今晚真係十分滿足！在這條街又多一個搵食地方！