S2 鐵板燒 (已結業)

友人住佐敦，發現了一間日式鐵板燒餐廳幾好，相約知己四人一同前往，柴娃娃熱鬧非常。餐廳並不大，吧臺位可坐8人左右，坐位間有點迫，感覺上坐得不太舒服。今日豪少少，各人都點了海鮮套餐，$780一人。先上煙燻鴨胸沙律，煙燻味幾出，鴨胸肉軟腍，開胃前菜。再上刺身一客，三文魚尚算肥美，蝦脆彈有膠質，ok 喎！鐵板師傅出場時候了，功㗎十足，叮叮噹噹的....好快黑松露帆立貝上碟了。微微的黑松露香樸鼻，帶子控制得好，軟熟鮮甜。另一主菜是海膽醬芝士焗原隻龍蝦。龍蝦不算大隻，勝在肉質彈牙夠爽脆。芝士溶化在龍蝦肉上，非常邪惡。反而遜色的是海膽醬的味道丁點都感覺不到。脆皮燒鰻魚，燒得焦香，魚肉嫩滑。接著來的是黃金炒飯，餸料可自選兩款，我揀選了蟹膏和和牛。飯粒被蛋漿包著，炒起來特別香口，粒粒分明，再加上和牛粒的油脂，簡直惹味。蟹膏同様是失色，味不太特出。紙包蜆湯好清甜，用了昆布餚製湯底，再加入蜆隻和剛才凈下的龍蝦腳，鮮上加鮮，這個我最喜歡。焗什菌打開碭紙散發出牛油香，份量不少，好味！最後是可愛的雪糕泡芙。基乎忘了提一提那杯参茶配青檸，第一口飲落你會覺得怪怪地，但當你飲到三至四口，才驚覺如此夾味，好順喉清熱氣喔！