Boholic

香煎紐西蘭羊架配蟹肉米飯餅配薄荷乳酪醬
羊架有三件，羊架煎得好香口，而且肉質好淋身，證明呢個羊架食材係比較新鮮。

凍綠茶配忌廉
呢杯嘢飲綠茶嘅香味好香㗎，而且因為上面有好多忌廉喺度，所以飲落去會更加幼滑，而且會有奶香。

法式焦糖卡士達梳乎厘班戟，呢個班戟咬落去好鬆軟呀，而且班戟有一定嘅厚度呀，所以咬落去會好有口感，醬汁方便用咗焦糖醬，甜甜地幾好食。

餐廳嘅環境用咗好多乾花嚟做裝飾呀，見到有好多女仔專登來呢度食飯，打卡，影相。