味道樂居酒屋 (元州街) (已結業)

長沙灣一向多美食，居酒屋都有唔少，每逢想吃燒魚就會來呢度。一坐低二話不說立即叫我嘅至愛💯燒油甘魚餃💯油分重嘅油甘魚燒過真係特別香，魚油還會隨著嫩滑的魚肉慢慢滲進舌尖，加兩滴檸檬汁更顯鮮味！火炙北海道帆立貝蟹膏卷又係另一名物！清新嘅青瓜絲飯卷上放上鮮甜美味的貝肉，再來點蔥絲蟹膏，香氣撲鼻，賣相同味道都兼顧！煙肉櫻花蝦炒飯呢種配搭都幾新穎，除咗可以充分感受到煙肉嘅鹹香之外，櫻花蝦嘅香味隱隱約約飄散着，都幾夾呀！重頭戲一定係原條成田醬炭火燒鰻魚飯，鰻魚一整條上，咁先有氣勢！鰻魚夠晒大條，成隻手臂咁長😍仲要好厚身，啖啖肉軟綿綿，好食到暈低呀！配埋鰻魚汁飯，立即元氣滿滿！