二鍋頭 (嘉芙中心)

营业中

休息中

火鍋真係放題真是百吃不厭, 今回還有喜好嘅任食雞煲, 加錢還有任食羊腩煲, 二鍋頭禮尖沙咀, 店舖裝修平實, 重點是地方清潔。任食羊腩煲確是相當抵食夾美味,大大煲夠曬份量, 羊腩炆得很腍滑, 肥瘦適中, 配料有馬蹄, 冬筍, 枝竹和大葱等, 完全吸收羊腩醬汁, 尤其冬筍厚又爽脆, 非常美味, 忍不住先點牛肉片和鱔片等火鍋食材, 先吃為快, 吃完美味羊腩煲已覺半飽了。麻辣雞煲同樣出色, 雞件嫩滑, 麻辣度適中, 配料嘅葱頭和洋葱腍甜又惹味。火鍋點了胡椒豬肚湯底, 味道不太濃郁, 清淡些最啱新鮮火鍋食材, 唔會掩蓋鮮味。安格斯牛肉, 羊肉片, 白鱔片, 鵝腸, 牛柏葉等新鮮清潔, 淥十幾秒已經啱食, 還有本地新鮮蔬菜, 食多啲都唔會覺得飽滯。多款飲品雪糕雪條任食, 打邊爐都唔會咁熱氣。