S2 鐵板燒 (已結業)

今日過了佐敦，終於可以試一試S2鐵板燒，好耐之前已經聽過，聞說係高性價比的鐵板燒。一直都無機會去試，今日因為約咗朋友去附近傾嘢，8點前要離開，所以今日都只係當食個late下午茶。此店名物就一定要食啦。其他單點都有好多選擇。十八層海膽杯食到超級新鮮嘅食材，好足料，真係滿瀉咁。海膽鮮甜，無苦味。中間層層蟹肉、拖羅蓉、三文魚子等，一路食都感受到豐富奢華，亦都感覺到係師傅落足心機堆砌出嚟嘅。海膽流沙大蝦多士北海道海膽在鐵板上炒香，有流沙效果再鋪在大大隻蝦上面，未食都覺得會好好味。爽脆蝦肉加上鮮甜濃香海膽，真係啖啖滋味。以食材水平計，係物有所值的，下次唔趕時間，一定再回頭食full course鐵板燒。