影片
更多
2021-03-03
4013 浏览
原本今日諗住難得同老婆一齊放假，可以去迪士尼樂園玩，點知因為疫情關係限制咗入場嘅人數，唔可以即時預約，唯有留喺屋企休息一日，悠悠閑閑咁樣渡過，直到夜晚都唔想煮飯，於是諗住落街搵野食喺皇后大道東一直隨心咁行，最後見到有呢一間日式串燒餐廳，無諗過喺香港都可以食到串揚，即時勾起左我對日本嘅懷念之情，所以就入左去店員指示我哋坐低之後，望上去就係餐廳嘅十大推介食物，分別有前菜、串揚同串燒，都有寫上英文同日文名稱，我諗餐廳應該吸引咗好多外國人同思鄉既日本人再睇返點單紙同廚師推薦，有好多唔同嘅食物可以選擇，價錢仲要好貼地，最後我哋嗌咗幾串串燒同串揚share首先有前菜蒟蒻子持，通常食嘅時候都係煮熟咗，無諗過可以生食，食落去嘅時候幾彈牙，好似橡筋咁，不過一啲都唔靭，而且加埋薑蓉、葱同醬油，會令到原本冇味嘅蒟蒻增加左味道嘅層次之後有魔鬼魚乾，嚟到嘅時候已經聞到燒得好香，咬落去魚味幾濃郁，又夠咬口，用嚟送酒應該一流上面嗰兩串係雞肉丸同釀蘑菇，唔需要點其他醬汁已經好夠味，雞肉丸一咬落去充滿肉汁，而且肉質仍然保持嫩滑至於釀蘑菇就食到蘑菇仍然好有水份，唔會燒到乾晒之後陸續有其他串燒送到，其中比較特別嘅係燒芝士蕃
喺皇后大道東一直隨心咁行，最後見到有呢一間日式串燒餐廳，無諗過喺香港都可以食到串揚，即時勾起左我對日本嘅懷念之情，所以就入左去
店員指示我哋坐低之後，望上去就係餐廳嘅十大推介食物，分別有前菜、串揚同串燒，都有寫上英文同日文名稱，我諗餐廳應該吸引咗好多外國人同思鄉既日本人
再睇返點單紙同廚師推薦，有好多唔同嘅食物可以選擇，價錢仲要好貼地，最後我哋嗌咗幾串串燒同串揚share
首先有前菜蒟蒻子持，通常食嘅時候都係煮熟咗，無諗過可以生食，食落去嘅時候幾彈牙，好似橡筋咁，不過一啲都唔靭，而且加埋薑蓉、葱同醬油，會令到原本冇味嘅蒟蒻增加左味道嘅層次
之後有魔鬼魚乾，嚟到嘅時候已經聞到燒得好香，咬落去魚味幾濃郁，又夠咬口，用嚟送酒應該一流
上面嗰兩串係雞肉丸同釀蘑菇，唔需要點其他醬汁已經好夠味，雞肉丸一咬落去充滿肉汁，而且肉質仍然保持嫩滑
至於釀蘑菇就食到蘑菇仍然好有水份，唔會燒到乾晒
之後陸續有其他串燒送到，其中比較特別嘅係燒芝士蕃茄雞肉同埋燒牛舌，因為芝士燒完之後溶溶地，同蕃茄雞肉一齊食又幾配合，而且蕃茄裏面好juicy
牛舌就燒得好腍，真係好似入口即融咁，但又充滿牛肉味
之後有手羽先，即係燒雞翼，感覺都幾濃味，燒得幾香
最後當然唔少得有串揚，炸到金黃色，有子持昆布同忌廉芝士，個人覺得忌廉芝士整得唔錯，因為咬落去嘅時候裏面嘅芝士拉出嚟係可以做到拉絲既效果
埋單大約每人二百幾蚊，感覺都唔錯
张贴
