孖寶車仔麵

营业中

休息中

葵涌廣場不乏美食，但好多小食店都不設堂食，如果想舒舒服服食啲小食，建議大家不妨去到葵涌廣場低層地下，有間孖寶車仔麵都好正，啱晒同朋友差下電、吹下水、嘆番陣同敘下舊。呢度有個三餸麵套餐仲送埋嘢飲，有超過50幾款嘅餸菜可以選擇，我哋叫咗碗豬皮、滷水蛋、滷水豆腐併出前一丁，另外當然要叫返香港人最鍾意食嘅小食，就係生菜魚肉湯、街頭豬腸粉同埋燒賣，呢度人頭湧湧完全冇懼疫情嘅影響。上菜嘅速度好快，出前一丁幾爽口，三樣餸份量啱啱好，我同朋友每人一碗，湯唔會特別濃，只係用清湯上，感覺幾清淡健康，滷水亦都好入味。