更多
2020-03-26
40 浏览
葵涌广场不乏美食,但好多小食店都不设堂食,如果想舒舒服服食啲小食,建议大家不妨去到葵涌广场低层地下,有间孖宝车仔面都好正,啱晒同朋友差下电、吹下水、叹番阵同叙下旧。呢度有个三𩠌面套餐仲送埋嘢饮,有超过50几款嘅𩠌菜可以选择,我哋叫咗碗猪皮、卤水蛋、卤水豆腐并出前一丁,另外当然要叫返香港人最钟意食嘅小食,就系生菜鱼肉汤、街头猪肠粉同埋烧卖,呢度人头涌涌完全冇惧疫情嘅影响。上菜嘅速度好快,出前一丁几爽口,三样𩠌份量啱啱好,我同朋友每人一碗,汤唔会特别浓,只系用清汤上,感觉几清淡健康,卤水亦都好入味。
张贴