Mini Friday (銀城廣場) (已結業)

喺旺角搵嘢食可以話好容易，因為食肆多，但另一方面，亦都可以話好難，因為咁多間唔知點揀好。結果，都係投靠OpenRice大神，見到呢間Mini Friday好評不少，食過觀塘店幾好食，決定再試一次。薄脆小食（免費）一坐低未叫嘢食，侍應即會送上呢一個小食，放喺一個藤籃裏面，好有風味。小食夠晒香脆，放入口有一種鹹鹹香香嘅感覺，點一下配上嘅千島醬，又變得酸酸甜甜好開胃黑松露野菌薄餅餅底香脆，有淡淡嘅黑松露味道，而足料嘅野菌，同黑松露互相昇華，香氣怡人。我未試過素食嘅薄餅，開頭都擔心會唔會好齋，結果食落去同有肉嘅薄餅比較，不遑多讓威靈頓牛柳普通嘅西餐廳，好難食到這道英國菜，但Mini Friday 竟然有，今日嚟到呢度，有一半都係因為呢一道牛柳呢道菜首先會煎香牛柳，然後塗上薄薄嘅鵝肝醬，配上大量野菌再包上酥皮拎去焗。一切開之際，帶着牛香同野菌香氣嘅輕煙飄咗出嚟，牛柳仲係維持非常鮮嫩，牛柳係牛裏面最嫩滑嘅一個部份，入口仍然非常柔軟。配菜有個甜番薯茸，入口清甜。最浪漫的場景除了食物，餐廳的環境也很重要，呢度空間感十足，枱同枱之間有一大段距離，配上落地大玻璃，坐卡位的話，一邊睇住夜景一邊食嘢，浪漫💕感