新越越式料理 (已搬遷) 新店位置

行開九展隨意揀間餐廳試下，天氣凍凍地總想食碗湯粉，就揀左新越試下。餐牌上都幾多特色越南湯粉，有蕃茄同咖哩等湯底，重口味嘅我叫左個咖喱牛腩湯檬，男友就要左個越式海南雞飯。係櫃枱點完餐就可以返位等食啦，唔洗自己拎。海南雞飯附送一個例湯，雞飯粒粒分明唔會一patpat，雞肉都去左骨，雞皮不膩，越式酸辣醬比普通海南雞醬多左香料，頗有特色。咖喱牛腩湯檬好大一碗，一個女孩子應該食唔哂，牛腩份量都多，薯仔煮得剛熟，不會糊成一塊，湯底好香咖喱味，唔會太淡，帶微辣，我不太食得辣都食到。青檸梳打係新鮮青檸，清爽解渴！椰汁冰濃度適中，不會愈飲愈渴。去開九展睇戲行街都可以試下！