影片
更多
2018-12-27
1216 浏览
朋友生日食豪啲啲，今次揀咗間喺尖東專食和牛嘅餐廳叫「純」，！純所用嘅肉類都係來自日本全國農業協同組合聯合會，所以出產嘅牛都係特別高質素，絕對係信心嘅保證。餐廳裝修都幾舒服，充滿日式風味，而且分開吧檯、桌席、包廂，而我哋好彩被安排坐喺包廂，講嘢大聲啲都唔怕俾人聽到，哈哈！餐廳有牛嘅唔同部位比你選擇，又有套餐同和牛盛合，方便唔想選擇嘅你。而我哋就揀咗散叫，可以揀自己想食嘅款式。特選日本產和牛肉眼、日本產和牛上牛排肉、特選日本產和牛牛排肉，望落已經見到油花分佈平均，燒嘅時候千祈唔好燒太耐，如果唔係就會破壞咗肉嘅本質，輕輕燒幾吓就已經食得，一食落去真係有嘩一聲嘅感覺，肉質相當軟滑，油脂入口即溶，有陣陣油脂香味喺口腔裡，令人回味無窮！基本上唔駛點調味已經夠晒味，如果真係要加可以加少少鹽或者燒汁。而日本產豬五花肉亦唔算太過肥，豚肉味道燒出嚟好香，加上燒汁令味道更上一層樓。仲叫咗碗白飯，佢唔係一般白飯咁簡單，而係日本山形縣最新品牌嘅「雪若丸白米飯」，雪若丸煮出嚟嘅飯粒粒好似雪咁白，無粘粘的感覺，而係又彈牙又有硬度，仲有陣陣飯香味。食得太多肉，所以叫咗個野菜醋物中和吓，酸酸哋，好開胃！另外叫咗一杯巨峰
朋友生日食豪啲啲，今次揀咗間喺尖東專食和牛嘅餐廳叫「純」，！
純所用嘅肉類都係來自日本全國農業協同組合聯合會，所以出產嘅牛都係特別高質素，絕對係信心嘅保證。
餐廳裝修都幾舒服，充滿日式風味，而且分開吧檯、桌席、包廂，而我哋好彩被安排坐喺包廂，講嘢大聲啲都唔怕俾人聽到，哈哈！
餐廳有牛嘅唔同部位比你選擇，又有套餐同和牛盛合，方便唔想選擇嘅你。
而我哋就揀咗散叫，可以揀自己想食嘅款式。特選日本產和牛肉眼、日本產和牛上牛排肉、特選日本產和牛牛排肉，望落已經見到油花分佈平均，燒嘅時候千祈唔好燒太耐，如果唔係就會破壞咗肉嘅本質，輕輕燒幾吓就已經食得，一食落去真係有嘩一聲嘅感覺，肉質相當軟滑，油脂入口即溶，有陣陣油脂香味喺口腔裡，令人回味無窮！基本上唔駛點調味已經夠晒味，如果真係要加可以加少少鹽或者燒汁。
而日本產豬五花肉亦唔算太過肥，豚肉味道燒出嚟好香，加上燒汁令味道更上一層樓。
仲叫咗碗白飯，佢唔係一般白飯咁簡單，而係日本山形縣最新品牌嘅「雪若丸白米飯」，雪若丸煮出嚟嘅飯粒粒好似雪咁白，無粘粘的感覺，而係又彈牙又有硬度，仲有陣陣飯香味。
食得太多肉，所以叫咗個野菜醋物中和吓，酸酸哋，好開胃！
另外叫咗一杯巨峰汽酒，一杯荔枝汽酒，味道不錯，一口和牛，一口汽酒，真係最高享受。
今餐真係大滿足，有機會都要再嚟食過，下次可以試下佢嘅午餐，又抵食啲，又可以食到和牛。
张贴
