川熙樓 (已結業)

同朋友仔去參觀埃及的永生傳說展覽，入場前先吃個午餐，尖沙咀區出名人多， 避免同人迫餐死，揀左去君悅酒店的川熙樓，貪這裡人少又坐得舒適。川熙樓門面很有氣派，店內裝潢精緻，以黑色及紅色為主題，跟川菜很搭配，座位寬敞，每枱有一定距離，感覺寧靜清幽。這裡的午餐有火鍋定食及午市精選任君選擇，火鍋有4款(麻辣雜錦鍋、蕃茄酸湯魚鍋、當歸羊肉鍋、蹺腳牛肉鍋), 午市精選有8款 (孜然肉鬆四季豆、椒麻雞/口水雞、白切羊肉、麻辣牛肉麵、乾鍋巴腸鴨血、原盅燉湯、蒜泥白肉、秋耳半海蜇頭，可加$5配一碗白飯)。其實我唔太吃得辣，當日又唔係好肚餓，所以放棄左火鍋定食，我揀左牛肉麵走辣，朋友揀左椒麻雞配白飯，飲杯茶傾左一陣食物便送到。椒麻雞 ($73) – 第一次吃椒麻雞，賣相有點像白切雞，雞肉入口嫩滑，而且唔會好肥，可以連雞皮一齊食，幸好味道唔算太辣，但有小小的感覺，加上花椒獨特的味道，配白飯同吃一流。牛肉麵 ($63) – 沒有麻辣的牛肉麵，湯底清甜可口，麵身比我相像中幼細，入口滑溜溜，質感比較腍身。沒有經過調味的肥牛片，入口煙韌得來又充滿濃郁牛香。除了牛肉之外，加埋奪目嘅紅蘿白同小白菜，健康又飽肚。