影片
更多
2017-04-06
130 浏览
自從知道荃灣有好多美食之後 我同朋友經常去荃灣搵食 之前食過burger、特色小菜 我地都好滿意 所以今日我地又去發掘好野食～我地行左一陣 本來想食西餐 但忽然見到呢間叫全記既點心專門店之後 我地又轉軚食中菜 😂 因爲佢既店鋪設計好特別 啲點心睇落又新鮮又唔會太油膩👍🏼全記點心有少少穿越時空既感覺 佢既牆上掛滿各色各樣既點心牌 牆身既顏色又帶點八十年代既風格 連天花板都吊住一籠籠既點心裝飾 設計新穎 吸引食客既眼球👀不過佢地既餐具唔似茶樓嗰啲瓷杯 佢地清一色用左膠碗、膠碟 可能係為左防止打爛既緣故 用膠就比較耐用～ 所有只係睇餐具 又會覺得好似返返黎現代 😛茶方面我地點左鐵觀音 茶味甘醇 清滯解渴 我地飲左好多杯☕️ 事不宜遲 立即叫野食先 😋臘味飯 $24一開始就點左一盅臘味飯 上面有甜蜜蜜既臘腸 仲有充滿咸香既臘肉 加埋甜豉油 味道一流 而且佢唔係好大份 兩個人一齊食 就可以留返個肚試其他野😍菜苗餃 $22呢個菜苗餃好大隻 入面有大量菜苗同埋少量豬肉 味道清新 好岩唔太中意食肉既人 佢既皮好嫩滑 入面既豬肉可以提升菜苗餃既鮮味 🌱金錢肚 $23我最愛既金錢肚😍 每次去菜樓 我都一定會
我地行左一陣 本來想食西餐 但忽然見到呢間叫全記既點心專門店之後 我地又轉軚食中菜 😂 因爲佢既店鋪設計好特別 啲點心睇落又新鮮又唔會太油膩👍🏼
全記點心有少少穿越時空既感覺 佢既牆上掛滿各色各樣既點心牌 牆身既顏色又帶點八十年代既風格 連天花板都吊住一籠籠既點心裝飾 設計新穎 吸引食客既眼球👀
不過佢地既餐具唔似茶樓嗰啲瓷杯 佢地清一色用左膠碗、膠碟 可能係為左防止打爛既緣故 用膠就比較耐用～ 所有只係睇餐具 又會覺得好似返返黎現代 😛茶方面我地點左鐵觀音 茶味甘醇 清滯解渴 我地飲左好多杯☕️ 事不宜遲 立即叫野食先 😋
臘味飯 $24一開始就點左一盅臘味飯 上面有甜蜜蜜既臘腸 仲有充滿咸香既臘肉 加埋甜豉油 味道一流 而且佢唔係好大份 兩個人一齊食 就可以留返個肚試其他野😍
菜苗餃 $22呢個菜苗餃好大隻 入面有大量菜苗同埋少量豬肉 味道清新 好岩唔太中意食肉既人 佢既皮好嫩滑 入面既豬肉可以提升菜苗餃既鮮味 🌱
金錢肚 $23我最愛既金錢肚😍 每次去菜樓 我都一定會點金錢肚 唔知點解就係好中意佢既味道同口感 金錢肚爽口彈牙 口感十足 而且烹調金錢肚既醬汁好惹味 連啲蘿蔔都吸左佢既精華 我地連續點左兩碟金錢肚 大家黎全記一定要試金錢肚😋😋
蝦餃皇 $28唔洗多講 蝦餃皇一定係大家既集體回憶 我肯定大家去到茶樓 一定都食過蝦餃 但大大隻又平既蝦餃皇唔知你地又試過未 😛 佢係名副其實既皮薄餡靚 出面既粉皮晶瑩剔透 入面隻蝦大到你唔信 仲要好鮮嫩彈牙 食過包你返尋味 😆
鳳爪排骨飯 $25後來朋友又話想試多個飯 佢覺得呢到價錢又平 質素又好 所以想試多啲唔同既菜式～ 鳳爪好入味 有豆豉既味道 排骨都係咁嫩滑 果然經典既風味係歷久彌新👍🏼
鳳眼餃 $29全記既新品當然要試下啦 尤其係我呢個黑松露愛好者 更加想試下中菜加入黑松露既味道會點樣😂 鳳眼餃賣相吸眼不在話下 佢既鮮蝦上面放左黑松露醬 味道好香好正 大隻又彈牙既蝦 加埋香口惹味既黑松露 絕對係夢幻組合 呢個都係我極力推薦既菜式👍🏼👍🏼💕
脆皮蝦腸粉 $29腸粉係我同朋友既童年回憶 真係一定要點😋 不過脆皮蝦腸粉係第一次食 細個都係得普通腸粉 呢條又大又長既 都係第一次見 😍
一定要為脆皮蝦腸粉黎一個大特寫 入面既蝦被一層類似油炸鬼既炸物包裹住 所以咬落係脆卜卜 非常香口～腸粉皮好細滑 鮮蝦彈牙 好值得大家一試 😜
藥膳鳳爪 $24食左咁多點心 想黎啲健康養生既食物 藥膳排骨就聽得多 估唔到有藥膳鳳爪 😲 佢用左當歸、杞子同其他藥材做湯底 然後用慢火煲到啲鳳爪變腍同入味 鳳爪基本上好離骨 食起上黎好方便 😋
全記點心絕對稱得上價廉物美 食到就黎行唔郁 每人都係百幾蚊 店員服務態度和藹 係住家既溫暖 好推薦大家去食 就算一個人去都唔尷尬 ☺️
张贴
