影片
更多
2010-03-22
14 浏览
經過一輪資料搜集, 結婚周年紀念就上山頂慶祝一下早幾日打去訂窗邊位, 但要 8:15 分後先有位比我地, 都 ok 啦, 反正可以去凌霄閣睇下風景... 但好唔好彩, 當晚大霧非常, 攪到咩都冇得睇... 浪費左一番心血... 當然依個唔係餐廳責任, 但大家上山前要考慮埋依個因素啦... 可能因為咁樣, 我地 7:45 去到, 都有好多位, 可能有 d 人見天氣唔好就放飛機了...講返食物質素先, 我地 2 人叫左:Bread Basket (FOC): 麵包有 3 款, 法包同 bread stick 普通, 但 pastry 十分好食, 牛油味重, 好香. 另外配醬的蕃茄乾酸酸的, 好醒胃... 但同樣唔好食太多, 否則真係食唔晒...Caesar Salad + Smoked Salmon ($150 + 30), 沙律同三文魚其實只要係新鮮既, 基本上唔會唔好食. 所以唔評論2 客龍蝦湯 (@$90): 超濃, 好好飲, 比起坊間其他地方水準高好多, 但比較 "漏", 細食既飲完已經 30% 飽...Pamra Ham Thin Pizza ($175): 一路我
早幾日打去訂窗邊位, 但要 8:15 分後先有位比我地, 都 ok 啦, 反正可以去凌霄閣睇下風景... 但好唔好彩, 當晚大霧非常, 攪到咩都冇得睇... 浪費左一番心血... 當然依個唔係餐廳責任, 但大家上山前要考慮埋依個因素啦... 可能因為咁樣, 我地 7:45 去到, 都有好多位, 可能有 d 人見天氣唔好就放飛機了...
講返食物質素先, 我地 2 人叫左:
Bread Basket (FOC): 麵包有 3 款, 法包同 bread stick 普通, 但 pastry 十分好食, 牛油味重, 好香. 另外配醬的蕃茄乾酸酸的, 好醒胃... 但同樣唔好食太多, 否則真係食唔晒...
Caesar Salad + Smoked Salmon ($150 + 30), 沙律同三文魚其實只要係新鮮既, 基本上唔會唔好食. 所以唔評論
2 客龍蝦湯 (@$90): 超濃, 好好飲, 比起坊間其他地方水準高好多, 但比較 "漏", 細食既飲完已經 30% 飽...
Pamra Ham Thin Pizza ($175): 一路我都唔鍾意 Pizza Hut 個 d 美式 pizza... 今次依個 pizza 薄薄 d, 芝士淡香, 批面放滿火箭菜同巴馬火腿, 感覺好滿足, 如果係細食既, 食到依度已經 8 成飽...
西班牙海鮮飯 ($515): 估唔到會咁大盤, 用料足, 有半隻波士頓龍蝦, 2 隻老虎蝦, 7 - 8 隻大 size 連殼青口, 10 零隻蜆, 少量既 "油" 魚鬚. 飯底用海鮮湯煮, 入口充滿海鮮香味. 青口同蜆都好入味, 而龍蝦最出色... 依個價錢可以話好抵食, 同樣亦好好食.
Strewberry Smoothies ($55): 飲品就真係普通左 d 啦... 冇咩特別...
整晚 waiter 的服務態度都十分好, 例如我地既海鮮飯, 係 pizza 之後成 35 分鐘先到, 途中不斷有人黎同我地講唔好意思要等多陣咁樣, 都算認真.. 但有 2 點問題:
1. 當我地話想 refill 個 bread basket, 一名與陸 wing 極似既 water 問我地 "有冇比較喜歡邊隻麵包", 心諗, 幾好 wor... 咁樣我地叫佢比 2 個 pastry 同 2 件法包就夠啦, 佢好有禮貌就攞埋個兜就走左... 但之後成個鐘, 到我地走, 個麵包籃從未出現過... 不過我地真係飽晒, 麵包唔黎都 ok... 但高級餐廳走麵包 refill 就少見
2. 最後食完飯, 我走左去 toliet, 返黎時見到張 bill 黎左, 我就覺得奇怪... 問太太係咪佢叫埋單啦, 點知佢話唔係呀, 你走左, 佢就即刻拎張單黎, 仲要打開晒 tim... 咁樣就十分奇啦... 我都未叫埋單, 又唔係好多人等, 做咩比張單我 ?? 或者我叫杯咖啡飲下呢 ?? 所以扣少少分...
抵食與否... hmm... 如果用食物質素, 環境, 服務, 咁樣 $1200 真係唔貴, 剛好有埋 credit card 既 promotion 8 折後減左 200 蚊, $1000 就抵啦..
张贴