龍德樓 (已結業)

龍德樓（何文田）之前食過，覺得可以再嚟食，餐廳古色古香嘅設計，吊燈是典雅燈籠。一坐低會問你飲香片/鐵觀音定係普洱茶，每人自己個杯一個獨立嘅茶包，係立體式茶包，呢個幾好。秘製雞煲半隻$138 有豬皮、芫荽、青椒、大蒜及大蔥，豬皮煙韌口感唔錯，蔬菜配料好新鮮，雞煲有少少微辣，本身上嘅時候已經熟咗可以即刻食，如果唔係煮太耐會燶咗。姬松茸日月魚燉豬展$48有蟲草及豬展，湯味濃郁，甜甜地好足料，湯裏面有唔少配料。杏汁菜膽燉白肺$48豬肺、紅蘿蔔、雞肉及娃娃菜，湯味道清甜潤肺。黃金鮮魷$88炸得金黃鬆脆，有好香嘅鹹蛋黃味，但一啲都唔鹹，做得出色。薑蔥海蝦煲$88大蝦新鮮而且實肉，保留左蝦嘅原汁原味，蝦嘅份量唔少，用薑蔥炒，連d蔥都好食幾香。整體而言唔錯，特別推介燉湯，真材實料，冇乜時間煲湯嘅，平平哋飲返碗都唔錯，其他小炒都香口，再次食水準都keep到。