麵水拉麵 (已結業)

好耐冇食拉麺啦。本來諗住同老公排一䔵，但條龍排到舊burger king。咁啱記得之前經過呢間店新開張，就試下你。一行3人加個B，估唔到晩上黃金時段冇乜人。我叫咗個地獄拉麵小辡，老公叫咗個麵水拉麵。先講湯頭，豬骨湯做得唔會太濃但還可以保持豬骨湯厚身嘅特質。上面仲做咗豬油提味。至於麵我哋都點咗中度，我覺得中度都係偏硬。不能想像硬身有幾硬。叉燒2塊，味道可以但因為用梅頭做，所以食落有小小乾。老闆可以考慮用肥啲嘅梅頭或五花肉做。木耳應該係自己整，但冇調味所以冇乜特別。老蛋ok。至於我個地獄拉麵，小辡已經夠味。個味調得相當唔錯。值得一提係有三個配菜，做得唔錯。