船皇 (厚福街) (已結業)

同朋友去尖沙咀買完野，覺得肚餓，於是去左厚福街內覓食，朋友見到哩間餐廳食泰式船麵，話幾特別，一於入去坐低食。我地叫左船皇河粉，豬肉丸、豬肉、豬潤金邊粉，兩杯熱既蜜糖柚子茶，泰式炸蝦卷及秘醬通菜。食物唔洗一陣巳放哂係枱面上了，朋友食船皇河粉，裡面既餸有很多，佔滿成個碗，分別有牛肉片、牛丸、牛腩、雞絲、雞翼、豬肉、豬肉丸及豬潤，而河粉短而寬，有別於平時所見，食落口感都是滑身的，至於湯底就很結身，味道濃厚特別，我就飲啖蜜糖柚子茶先，聞落花香扑鼻，入口甜蜜蜜，很滋潤美味，同平時飲到的柚子蜜完全不同，朋友都說特別。而炸蝦卷，咬落才知原來外層是用薯仔絲包住，哩個一定要親熱食，凍左薯仔外層就會淋。秘醬通菜，個醬係湯麵內都搵到有少少的，配通菜食都好夾。食完好飽好滿足。