小叻沙 (已結業)

叻沙係香港一直都賣得貴，40蚊一碗算勁抵，48蚊一碗算可以接受，比起新加坡3蚊坡紙一碗有魚片有蝦有獅鉿（約20蚊港紙），只能慨歎香港租金真係太貴。。。午餐叫了一碗扎肉叻沙，扎肉有5塊，很好，唔駛食到尾得番d粉冇餸食，扎肉有少量冬菇碎食落彈牙但冇乜豬肉味，味道不過不失。配料有芽菜，豆卜，雞蛋半隻同青瓜（青瓜!?!???黑人問號？點解有青瓜？）豆卜厚實冇“益“味，吸哂d湯好味。雞蛋竟然有驚喜，雖然係冇味白烚蛋，但有唔似出面烚到個蛋黃變左灰黃色，烚得剛好，蛋黃心有極少軟心，食果下心裡面讚左一聲。至於青瓜就……好唔夾喎，idea從何來？麵預設係摻摻（油麵+米粉），米粉比例較油麵多，米粉好食，表面滑身，食落唔似茶餐廳沙嗲牛米d米粉咁乾身鞋口。重點來了，湯底預設係馬來叻沙小辣，呢個叻沙湯底10分中只有5-6分。冇錯食落係叻沙味，碗底亦有少量蝦米仔（不是蝦米碎），但係唔係叻沙用大量蝦頭蝦殼熬出來果隻蝦湯味，蝦味很淡，而且也不辣，奉勸店家盡快改良一下個湯底，畢竟湯底是叻沙靈魂，在新加坡叻沙係用匙羹食的，就係預你連湯同吃，辣醬都係用蝦炒出來的，充滿濃濃蝦味，如果湯底唔好食，就算面餸幾吸引幾豐富都冇用。奉