どストライク軒 (已結業)

一直都好鍾意食拉麵或者沾麵，今次就嚟咗呢間係大阪都有分店嘅拉麵店食夜晚~入去見到佢裝修都幾靚，你鍾意佢可以圍住廚房排排坐嗰種格局，好有日本feel~叫咗個白湯醬油野菜拉麵，第一次見呢款組合，本身以為野菜同白湯會比較清淡，但食落發現湯底都幾濃郁，配埋幼身嘅拉麵很夾，每一啖都食到濃濃嘅湯底，拉麵嘅配料都唔少，兩塊叉燒份量好足料，而且夠大塊，一齊食令整體口感更加豐富~見佢嘅炸雞都幾吸引，於是就加咗$48要咗個炸雞set，炸雞都冇令我失望，薄薄嘅渣漿粉配埋啖啖肉感覺非常滿足，而且雞肉炸得都外脆內軟，一咬落去都有肉汁唔出嚟，夠juicy~飲品係日本嘅檸檬茶，有啲驚喜🤭同行朋友叫咗特製鹽味湯沾麵，一上枱已經見到成分沾麵好大份，夠晒粥了，糖心蛋整得好靚，中間仍保留蛋黃流心，叉燒嘅份量都幾多下，沾面嘅麵條係粗身少少，沾湯食口感都夠彈牙~另外都加左兩款小食，包括枝豆同埋豚肉醬汁燒，枝豆用鹽黎煮，咬落去嘅時候鹹鹹地，係不錯嘅佐酒小菜~豚肉醬汁燒都夠惹味，豚肉切得薄薄的，份量夠多，每一塊都充滿醬汁香味，配埋洋蔥一齊食味道好夾，口感層次都較豐富~呢間拉麵店味道唔錯，價錢都合理，下次有機會經過會再嚟食~