馬祖無限時台灣養生涮涮鍋

营业中

休息中

琴晚同幾個同事慶祝壽星公生日，叫咗個麻辣雞同椰汁雞湯底，然後食左幾舊先係麻辣鍋撈到個膠袋... 我地立即通知男經理，叫佢換鍋同埋問佢會唔會有返啲折扣，佢：得！同你換左鍋先！之後埋單搵返嗰個經理，同佢講返膠袋事件，佢：咩事啊？咪幫你換咗鍋囉？嗰個應該係蟹柳出面啲膠袋咋嘛。我地就叫佢check返單，都冇叫過蟹柳，同埋換鍋係必須要做架喎... (加上其實唔似蟹柳膠袋，同埋我地冇叫都唔應該出現係煲入邊啦)之後佢叫我地落多杯雪糕，唔知佢想講6個人1枝定一人一支啦，但我地都完全飽哂，所以問佢可唔可以俾折扣，咁本身佢態度都唔係好，之後爆 seed : 你地依家係咪搞事？你鐘意咪俾9折你地囉。我地呆哂，點解講到好似係我地錯咁，好難想像如果我地食到最後先發現膠袋咁點，我地話我地有影相架，佢怒啤：咁你咪擺上網囉！本身我地仲話椰汁雞湯底好正，下次可以叫返呢個，而且兩個鍋啲雞都好滑，仲有冷泡茶，但係生日飯搞成咁，真係不了，但都一讚收碟既男員工勤快有禮。