老鍋台式火鍋 (已結業)

前兩日同朋友兩個人撐檯腳去左打邊爐，一路食一路girl’s talk!上黎之前，已經睇中左佢個酸肉白肉鍋！因為又有腩肉又有寬粉，全部都係我最愛！咋外叫左麻辣鍋變左做鴛鴦鍋！就算鴛鴦鍋都唔使額外加錢！麻辣鍋入面都有唔少料，又有台式豆腐同鴨血。值得一提係酸菜鍋入面嘅粟米非常甜，湯底又唔算太酸，岩岩好。雪花一口牛 份量夠兩個女仔食啦～牛都算新鮮，食落爽口！四種餃最好食係雲吞同水餃，入面D蝦大隻爽口彈牙，豬肉份量都唔少，好飽肚！鵝肝墨丸入面的確係有粒鵝肝，墨丸打得幾好，墨魚肉份量唔少，好有咬口！