大門食堂 (已結業)

成日經過嘅大門食堂，今日放工朋友提議話去支持下，入到去先知原來係食拉麵。店內環境好乾淨，第一時間加分👍🏻 呢度主打蝦濃湯底拉麵，但我地唔特別好蝦，反而想試返啲原味，揀左一款辣一款唔辣。《緣鬼拉麵》（激辛）$78揀左少辣都覺得有啲辣，但辣得好香，會想繼續食，唯有嗌多杯嘢飲。配嘅係豬腩片，辣湯底感覺配豬腩片仲夾過拉麵叉燒👍🏻《緣屋原味味噌拉麵》$72好濃好濃嘅湯底，有麻油香，溏心蛋係額外加（原本應該只有半粒），叉燒都算厚切，整體成碗拉麵都算好夾！ 湯底好正，會再試👍🏻《煎餃子》$30不過不失的煎餃，送拉麵一流👍🏻