俺流塩らーめん (創紀之城五期(apm))

营业中

休息中

今日去開APM行街，就諗住去APM度食個lunch，途中都幾想食日本拉麵，咁啱又見到呢一間舖頭，入面嘅人又幾多，於是就入咗去試啦！入到去之後呢，我哋就嗌咗兩個拉麵，分別係:1. 墨汁魷魚豚角拉麵: 整體兩個嘅面嘅份量都好多，最後我哋係食唔晒嘅！講返湯底度啦，個湯嘅味道好淡，不過飲得出係幾鮮嘅，後尾加咗好多XO醬落去，但係都冇乜味。面嘅硬度我揀咗最硬，齋食麵嘅話係唔錯嘅，因為都幾彈牙2. 自選組合: 揀咗呢個豚肉玉子，然後豬骨湯底，整體普普通通，個湯底反而仲夠味過蜜汁魷魚豚角拉麵。所有嘅面嘅硬度同埋蔥多少都可以自己選擇，個蜜汁魷魚豚角拉麵呢我係嗌咗中間嘅份量嚟嘅！