打邊爐海鮮火鍋燒烤店 (已結業)

足料足到爆出黎-花甲蟹鍋🦀 ($560)作為係招牌鍋又點可以唔試呢，司令覺得個鍋好足料呀！司令一開頭試左啖湯，真係好清甜，加埋啲胡椒，有少少微辣🌶，好暖胃呀！之所以話足料，因為佢啲花甲真係有好多🙀，食極都食唔完。而蟹🦀亦都一樣，有好多，而且好鮮甜，只係聞都覺得好新鮮！-開胃菜方面，司令見到而家做緊特價既$16蚊生蠔，要半打是基本吧😋？即叫即開，食落海水味重，鮮味十足喎！抵叫！再叫多個象拔蚌($680)，鋪晒面之外仲要厚切😍，超鮮甜。-司令最中意佢既本地手切牛頸脊🐂（$288），牛味極濃，食到停唔到口。海鮮方面推薦珊瑚蚌($89)同埋脆鯇魚腩($36)，輕輕滾一滾，神仙都企唔穩呀喂！-配料選擇多，除左海鮮之外🐟，肉類🍖、蔬菜🌽、丸類等等叫都叫唔完，花多眼亂既話可以樣樣都揀半份，咁就可以一次過滿足晒咁多個願望啦。