影片
更多
2010-10-22
16 浏览
星期三，同男友+佢個Fd一齊行街。 行到佐敦附近佢個Fd嗌肚餓想搵野，然後就提議去『澳洲牛奶公司』~我就勁出奇『澳洲牛奶公司』唔通係 "澳洲人" 開???結果，當然俾佢兩個笑到面都黑埋啦...(註明:唔係黃！) 間鋪都幾偏僻下，如果我自己一個一定搵唔到~ 未去到門口已經見到有人排隊好鬼旺場，但等左五分鐘左右就有位(都幾快)我地三個人叫左3set 野食~(我想樣樣都試下嘛)一) 叉通粉 煎旦 凍央(我)二) 炒旦治 凍奶荼少甜 少冰(男友)三) 炒旦治 熱奶荼 火腿意(佢個Fd)煎旦就爭少少~唔脆邊~招牌炒旦超好味，正過老麥個早餐多多聲，又厚身又多旦汁Good~通粉都熟得好滑，可以令我呢個由細到大都唔鍾意食通粉0既人都覺得好味~凍央夠均勻0岩0岩好，因為0係我心目中一杯好味唔"澀口"0既凍央係有難度~埋單好似差不成多舊水，但以佢地0既品質黎講都值得再黎0既~P.S. 有幾台大陸客，佢地都係拎住旅遊書慕名而來，再上埋Openrice先知原來呢間野真係好出名......
星期三，同男友+佢個Fd一齊行街。
行到佐敦附近佢個Fd嗌肚餓想搵野
，然後就提議去『澳洲牛奶公司』~
我就勁出奇『澳洲牛奶公司』唔通係 "澳洲人" 開???
結果，當然俾佢兩個笑到面都黑埋啦...(註明:唔係黃！)
間鋪都幾偏僻下，如果我自己一個一定搵唔到~ 未去到門口已經見到有人排隊好鬼旺場，但等左五分鐘左右就有位(都幾快)
我地三個人叫左3set 野食~(我想樣樣都試下嘛)
一) 叉通粉 煎旦 凍央(我)
二) 炒旦治 凍奶荼少甜 少冰(男友)
三) 炒旦治 熱奶荼 火腿意(佢個Fd)
煎旦就爭少少~唔脆邊~
招牌炒旦超好味，正過老麥個早餐多多聲，又厚身又多旦汁Good~
通粉都熟得好滑，可以令我呢個由細到大都唔鍾意食通粉0既人都覺得好味~
凍央夠均勻0岩0岩好，因為0係我心目中一杯好味唔"澀口"0既凍央係有難度~
埋單好似差不成多舊水，但以佢地0既品質黎講都值得再黎0既~
P.S. 有幾台大陸客，佢地都係拎住旅遊書慕名而來，再上埋Openrice先知原來呢間野真係好出名......
张贴