瀛豐放題料理專門店 (已搬遷) 新店位置

本身想食自助餐，不過又覺得太貴，朋友介紹食呢間放題，果然抵食喎～大約三百蚊就可以食盡港、日、泰式食物，升級加錢仲可以食埋生蠔同埋大大隻帆立貝海膽，絕對值回票價～首先先叫咗一個刺身拼盤，款式繁多有三文魚、油甘魚、希靈魚、赤貝、北寄貝、赤蝦、馬刀貝、角螺同埋象拔蚌，其中最推薦象拔蚌超級鮮甜！升級嘅生蠔新鮮冇腥味，口感Creamy！帆立貝海膽勁厚切～都好鮮甜仲有好多唔同款式嘅壽司同埋手卷，不過為咗節省胃容量，我就唔食了😝芝麻雞翼炸物推薦八味黃金豆腐，外脆內軟！炸雞軟骨，非常香脆可口～份量亦都好多！炸地瓜香芋丸，同埋燒菠蘿都強烈推介，又甜又juicy~飲品款式都唔少可以自己喺冰櫃度攞，仲有飯後小甜品同埋雪糕杯。咁嘅價錢值回票價。