何蘭正

营业中

休息中

👍🏻24小時慢烤伊比利亞叉燒配豬油撈飯 $178叉燒半肥瘦，連埋少少肥膏，豬肉味好香😍！瘦肉部分肉質都好軟嫩，一啲都唔乾硬仲有啲肉汁，超正🤪蜜汁入味但唔會過甜，燒得到燶邊焦脆，好香口豬油飯甜甜地，食落唔油膩豬油撈得好均勻，唔會黐埋一舊溫泉蛋蛋香濃郁，豬油飯撈蛋汁又係另一番風味仲有大量紫菜碎，類似包裝韓國紫菜小食灑左鹽鹹鹹地，就咁食都得整體就係高級(貴)版既黯然銷魂飯😆味道：9/10性價比：6/10-👍🏻蒜苗爆炒蝦球、蒜蓉牛油帆立貝配櫻花蝦燴稻庭烏冬 $158醬汁係鰹魚忌廉汁，質地唔係好稠身creamy個種汁量夠多又唔會水汪汪稻庭烏冬煙韌彈牙又掛汁鹹鹹地有啲鰹魚鹹香，加埋大量櫻花蝦一齊煮，好食🤤蝦球唔算大隻但煎到表面香脆，肉質爽彈帶子好大粒，但調味略嫌輕手左啲，味道單一幾款配料食落好香蒜味，但一齊食烏冬既櫻花蝦味更突出😛味道：8/10性價比：6/10-👍🏻法式提拉米蘇多士 $98 多士係用lady finger而唔係麵包質地比起平時既西多士更濕潤綿密，類似tiramisu口感好似個海綿咁吸哂啲桂花糖漿咖啡味混埋桂花香，濃而不甜👍🏻雲尼拿雪糕淋上香蕉果茸香蕉上既焦糖面薄脆整體食落香蕉味好濃