吉野家 (已搬遷) 新店位置

本身收工收得早平時為左慳錢會去食下午茶做晚餐Tko廣場既呢間吉野家就係我常去食既一間貪佢平平地就可以醫飽個肚，最岩我呢啲胃口細既小資女孩可能前排多左朋友約食飯，所以少左去吉野家食。琴日去返，竟然俾我發現左個好特別既港式x日式既下午茶餐因為之前黎個陣一直都冇見到有呢個餐，本住試下無妨既心態嗌左黎試下。基本上，同一般既牛肉米粉加奶油脆脆加兩條雞肉腸冇咩唔同，不過係平啲咁(牛米$25,追加脆脆$6,兩條腸$8,加埋39,我買個餐係$31)同埋呢種日式溝港式既食法都係一個幾有吉野家既style,真係第二度都唔會有。食一啖牛米，再咬一啖脆脆，一時有牛汁既咸味，一時又有煉奶既個種甜味。唔，港日兩種飲食文化係我個口入面交融，產生左一個獨特既新體驗。總括而言，係飲食crossover 介黎講，吉野家你係得既Ps.不過我略嫌個脆脆細左啲，有啲唔抵食。