陶園燒臘飯店 (已結業)

番屋企食飯前決定去斬料加送喺佐敦地鐵站C出口出咗直行就見到呢間燒味店！門口有隻好特別的燒鵝先生，仲有張「荔枝柴秘製燒鵝」既宣傳海報，斬料部又掛住幾隻好靚既燒鵝入門又有唔少街坊幫襯！決定今晚就食依間啦餐廳門面好乾淨光猛！望落入面都好乾淨，有唔少卡位，亦有一部電視機📺，除咗食燒味送飯，仲可以電視送飯！ 店員都好有禮貌，會主動招呼客人, 印象分好好。我叫咗一個燒鵝下庒和一條燒肉，外賣拎番屋企！呢度既燒味真係無得頂，質素好高，尤其燒鵝，送飯一流！燒鵝層皮好脆，色澤亮麗，有層薄薄的肥膏，燒鵝油香味四散，燒鵝肉入味、充滿肉汁又嫩滑燒肉皮好脆，肉和皮的分配相當好，肥瘦配搭得均勻，味道不俗，唔會一忽鹹一忽淡，鹹香得宜！今餐的燒味唔錯，值得encore!