伙伙餐廳 (已結業)

喺港島區要搵間西餐廳坐得舒適又唔會俾人摧摧貢嘅唔多，伙伙餐廳係一個不錯的選擇。地點位於灣仔、銅鑼灣中間，全棟大廈都係食肆，唔同類型菜式都有，夠方便。餐廳位置闊落，座位間空間感足，裝潢都花過唔少心思，既有港式餐廳風味，亦有西餐格局。木枱木櫈、格仔枱布甚有懷舊感覺。香港比較少呢種港式西餐廳，幾特別。週六晚上客人唔多，可以放心享用食物，唔怕同人逼、催促，而且店員都好細心有禮。餐牌選擇豐富，有主打嘅海鮮拼盤、沙律、小食、湯、扒類、飯、意粉、薄餅、素食、甜品等，定價中上。原來餐廳大廚係澳門人，難怪見佢地仲有供應唔少特色葡國菜，例如：葡式燒虎蝦、炸馬介休球、椰香焗葡國雞等。怕煩嘅人都可以選擇二人餐，佢地有兩款，定價$488/$698，本來我地睇過都啱食，但店員話海鮮拼盤售罄…所以…冇點到。可能碰巧佢地生意唔錯，我地另外想單點牛仔骨扒，但都售罄，可惜。結果我地揀黎揀去，點左其他兩款。吉列釀蟹蓋 $98/2隻蟹蓋面頭嘅麵包糠炸至金黃色，食落香脆。蟹蓋中混合蟹肉、煙肉、芝士、彩椒、西芹等材料。蟹肉絲嘅口感、味道突出調味適量，唔會好鹹，可按需要自行添加沙律醬，以免太膩。瑞士汁雞中翼 $68/6隻雞翼siz