伙伙餐廳

同朋友慶祝生日，選擇了這一間，因為有推廣消費滿某銀碼有火焰雪山送上到去係一間傳統港式豉油西餐既裝修，環境闊落但燈光略暗( 唔通係為了映襯火焰雪山？)食物方面叫了紅酒繪牛尾，印度飛餅，西班牙焗海鮮飯同pizza，另外有送既火焰雪山所有主菜整體食味道幾好。主菜火焰雪山出場十分有視覺效果，不過味道一般。不過我覺得始終係豉油西餐，晚市價位太進取。呢個價錢同區有好多選擇服務方便亦普普通通，呢問舖頭唔會令我食回頭草…查看更多

Lunch time 去一定有位，地方夠大。南瓜忌廉湯:南瓜味偏弱，但加入南瓜粒同忌廉湯好夾。黑松露野菌意大利粉: 黑松露味濃，意粉又有後唔會太淋。Lunch set (包餐茶): $88 +10%…查看更多

同事帶我試新餐廳! 要上樓的~ 一出電梯便是了正值lunch hour 餐廳坐無虛席, 還有很多人在等位環觀四周, 有不少有懷舊特色的海報及佈置! 但裝橫又有點西式~很fushion!Lunch 由$65起另加一服務費, 而食物就是平常茶記吃到的, 所以不算很便宜餐包是熱的, 而且不是平常吃的餐包, 很軟綿綿! 不錯!但餐湯太稀, 味道亦像溝淡了, 一般黑松露野菌意大利粉 ($88)黑松露味不算很香, 菇菌也不算多, 意粉creamy, 味道正常不過不失秘制咖哩雞球飯 ($88)咖哩香濃有椰奶香味, 微辣, 拌飯很美味雞肉、薯仔、洋蔥都很入味!! 差不多把飯都吃光光~超飽的!!充滿罪疚感!! 綜觀整體環境、服務及食物質素都OK, 餐廳像走高級版茶餐廳路線, 所以定價不算很實惠! 午餐埋單每人$100~ 在灣仔區還有很多選擇的~…查看更多

經Eatigo app訂枱有15%off, 另外見到有幾款菜式有50%off, 未落單前問咗可以有此優惠, 於是order咗2⃣️個。但埋單冇特價，waiter又話已經有15%off, 尼2⃣️個冇50%off😖,明明order前問咗佢，見佢回覆態度咁差都費事同佢爭論。但都會比佢食物好評，質素👍…查看更多

12:00 LUNCH 在灣仔來說, 真係去邊都易搵位D, 呢間餐廳格局似貴貴地過100 蚊, 雖然真係有$100+ 的餐, 但都有88蚊之選, 但加一後其實都係100 落樓, 方便找數都免強算係優點之一。講返食物方面, 湯濃度適中, 唔會太濃, 重口味朋友就自己加料吧; 個包普普通通啦, 唔會有驚喜, 又唔會有驚嚇; 主菜啦....果日係.........唔記得個名, 係牛黎的!! 正~~~~~~~~野飲就都係果D 啦, 份量夠大杯, 吹多陣水坐多陣呢間真係一流, 靜局(12:00-13:00) 。…查看更多

第一次寫食評，想通知有興趣去食飯嘅朋友佢menu已有不同，如果你睇完蝦多士、瑞士汁雞翼的相片覺得好吸引想來食，sorry已經off-menu喇！我8月初第一次來食飯，當時的經驗很好，基本上樣樣都好味，炒椰菜苖仲大大碟，朋友與我都好滿意。幾日前我心掛掛碟蝦多士，所以又來了。可惜menu上的小食全部已被delete，蝦多士、瑞士汁雞翼冇得食，炒椰菜苖比上次細碟好多，立即反映但只得「唔係呀，不嬲都係咁」的回應。明白，唔會再有下次喇！…查看更多

之前黎過一次試過唔錯(上次無寫食評的,有時間補返),今次黎又試吓第二d. 呢度幾有氣氛, 用格仔檯布,好有懷舊感本身好中意食焗野 , 所以叫左焗芝士厚切豬扒飯, 焗葡國雞. 瑞士汁乳鴿 . 焗芝士厚切豬扒飯, 豬扒好大塊有少少麵包碎 , 焗完鬆軟仲有脆邊tim~ 葡國雞唔會好重椰香味, 另外叫左印度飛餅點黎食,唔錯瑞士汁乳鴿,成隻乳鴿吸收哂d 汁, 好入味 其實好想試火焰雪山, 不過實在太飽, 吃不下了…查看更多

一向喜歡西餐+大愛港式茶餐的我 = (去了) 伙伙餐廳.   想在灣仔吃茶餐, 又要坐得舒服, 唔要比侍應啤住你食完要趕住走 (當然價錢上要付出貴少少啦!) 可以來試試伙伙餐廳, 第一次來的我, 在 openrice 網上訂枱, 方便快捷. 1:00pm 坐下, 今天 (星期四), 食客不多, 看來不訂枱walk-in都應該OK, 不過訂了枱, 就會安心些吧!午餐有多款選擇, 我選了香煎金目鱸魚柳配刁草汁 (配意粉) $88 (另加一)餐湯: 忌廉湯/羅宋湯, 揀了羅宋湯, 很夠味道, 不會淡如水般.餐包:外貎白雪雪, 估不到外脆內軟 >O< 白雪雪的外表, 以為沒有烘過的! 魚柳約手掌大的長度, 好大塊, 賣相吸引, 魚肉感豐富, 啖啖肉 大塊魚配上淡淡的刁草汁, 我個人認為 味道略淡了一點, 意粉方面雖也是淡淡的, 不過意粉乾身, 麵條煙韌, 煮得不錯, 配菜是清烚, 感覺健康.餐茶: 熱奶茶, 很港式feel 和味道, 無太大特別.甜品: 好有懷舊feel… … 啫喱, 很久沒有吃啫喱了! 環境: 感覺回到那些年, 舊式茶餐廳味道 + 現代裝橫, 乾淨坐得舒服, 每個侍應都很有禮貎, 服務不錯.食後感: 雖然食物質素比其他茶餐廳的差不多, 但坐得舒服, 乾淨, 即使價錢貴了一點, 我都會再黎的.…查看更多

今日同友人食午餐，因為又有d 落雨廢事揾食啦，所以就上左黎食伙伙啦！今次係我第一次黎，雖然正值午飯時間，但係呢度等候既人龍會唔會多人到有d 誇張？到底呢度既野食係咪真係咁好食呢？？等左都大概四個字，終於就座啦！望下menu 有乜野食先～等左咁耐真係好肚餓呀！我就叫左個E，友人就叫左個B～羅宋湯呀！正呀！我真係好鐘意飲羅宋湯，呢度既羅宋湯夠味得黎又有d 清清地。我好怕d 羅宋湯煮到成個醬咁，千年湯底。個餐包唔係普通的餐包，佢係芝麻包黎～～味道無乜特別，個包既味就係你望到既味道。友人既焗豬扒飯，佢拮左舊豬俾我食，好食又夠味，但係因為淨係食得個一舊都唔記得詳細係咩味道。再等多陣我個餐到左啦～～呢個份量其實唔係好大，如果係男人食呢可能會覺得唔飽，不過對我黎講就好大份！d 黑椒汁好香黑椒味，唔會死辣。雞扒煎得好香，腸仔又夠脆皮！意粉唔會烚到淋曬，有返d 咬口，撈汁食好啱餐飲當然係熱奶茶啦，始終西餐既奶茶係無茶餐廳咁好味既，但係都過得去，成杯飲曬。茶味濃而唔澀，OK呢度既野食係好味既，但係收呢個價錢就真係有d 貴，環境都唔算幽靜，LUNCH就唔會係一個傾計既好地方。d 侍應係好友善，不過可能因為午饍時間真係人太多了所以都無乜服務可言。坐左係度等人俾餐牌我地，等左陣都無人理我地，都係我地自己去拎⋯⋯然後我個餐計埋加一要一舊水⋯⋯…查看更多

聽朋友介紹，灣仔開了一間十分懷舊的餐廳，一向喜愛懷舊，vintage，復古風的我，當然要前來一試啦！餐廳位於灣仔杜老誌道，灣仔運動場的對面，位置也不算是難找。走進餐廳，首先感受到的是燈光調得很暗，帶一點70－80年代的味道。枱布是花白格仔的設計，十分復古，有一點電影感，不是聽朋友事先跟我說的話，我真以為這餐廳有超過20年的歷史，怎想到這店才只問店了數個月？升降機門，也則是餐廳的大門處放了一個電視機，播放的是某電視台採訪餐廳時的片段，和餐廳signature dish的slideshow，可讓客人對餐廳有更深的了解。看見這些古式古香的食物介紹牌，我還以為自己乘搭了時光機穿越時空，回到80年代呢。餐具印有餐廳的名字，統一感十足。清水有放檸檬浸過，飲落多了一份檸檬酸味的清新感，對於不喜愛飲「無味」的我來說，是一樂事。餐廳除了有散叫外，也設有套餐，最平的＄488已經有交易，在這最低工資下食物消費變得越來越貴的香港來說，這價錢我覺得絕對是抵食。套餐是抵食，但我更想在主餐牌上尋找所以我想食的食物一次擁有，所以最後我也放棄了套餐，而選擇al la carte。洋蔥湯 ＄68今日同老婆兩個人黎食，決定點兩個不同的湯share食，可以試更多。首先來到的是洋蔥湯，洋蔥有先炒香才落湯，食落很香濃，帶一點焦糖香，好好味。龍蝦湯 （加酥皮）＄88＋＄20各款湯類加$20便可以升級酥皮，而看見酥皮很自然便會把它跟龍蝦湯一起聯想，記得兒時和爸爸媽媽到訪屋企附近的大家樂，鐵板餐總是配上酥皮湯，我和哥哥也總因這碗酥皮湯而點上牛扒餐，那滿足的感覺至今也難以忘懷。而這裡的酥皮湯，比起兒時的，更勝一籌，整碗湯由酥皮，以至湯，到碗，都係呈非常熱的狀態，應該是連湯連碗一起去焗的，輕輕把酥皮切開，再把它推進湯內，而聞到香氣撲鼻，酥皮做得很香脆，而龍蝦湯有濃郁的鮮味而不會做得過咸，飲完也沒有乾涸感，滿足度爆登。咸牛脷 ＄148聽餐廳的店員推介，點了一份咸牛脷，看見這份牛脷，腦海裡很正常不過地浮起了牛牛的形態，是幾大的一隻牛，才能擁有這麼大的一條牛舌?牛脷食落很爽彈，而牛味亦很濃，煮得熟度剛剛好，我們 加了一點Tobasco，令味道更刺激。瑞士汁雞中翼 ＄88瑞士雞翼亦都可算是懷舊餐廳的必點之選，瑞士汁做得比較稀，但幸運地醬汁已經鎖在雞翼肉身之上，所以食落味道夠香夠濃，醬汁不會過甜，平衡做得不錯，面頭灑上芝麻，而且上枱時仍然保持一定的熱量，令人感覺份外美味。地中海式燒桂花魚 ＄298這款桂花魚用了多款香料和醬汁去煮，包括茄醬，茄汁，香草，香料，三色椒，蕃茄，等等，食落有少少辣，而桂花魚則先燒後用錫紙放入焗爐去焗，魚肉唔會黏骨，大人小朋友都岩食。火焰焗雪山 ＄168Last but not least, 來到個人最喜愛的甜品環節，點了一個gimmick度比較高，震撼感比較大的甜品，火焰焗雪山。餐廳店員會首先呈上雪山，然後在我們的面前淋上火焰，熊熊的烈火令我們嘆為觀止，也吸引旁邊的客人流露出一副欣賞的表情。看完表演，火焰開始靜上，我們便開始把雪山解剖。原來雪上的表層是蛋白，而且份量非常多，所以做得一個很澎湃的感覺， 外層除了有朱古力醬外，因為「火焰」的緣故，酒味超濃；內層有雪糕，什果，和餐廳自家製的蛋糕，食落有點像兒時最愛的「莎莉蛋糕」，兩個人食比較難以應付，個人覺得4個人食剛剛好。懷舊的餐廳，有不少人也會喜歡，但「較舊」或者「教殘」的裝潢，往往會令客人變得卻步;但今次到訪這餐廳曷全新開張，卻有著懷舊的風味，相信會為不少客人所喜愛，而重要的是這裡的甜品真的十分吸引，下次要再找多幾個人朋友一齊來征服它的珍寶香蕉艦！…查看更多

收工後走到灣仔的 伙伙餐廳, 可能時間日尚早, 不用等位便可入座。店內燈光較為昏暗, 每枱有個小蠟燭, 更添浪漫氣氛, 適合情侶齊齊去食鋸扒。看看餐牌, 價錢屬於中高, 但食物質素真的無可挑剔! 看食評介紹, 竟然想試試咖喱牛楠😂😂, 就被伙伴Y 以驚奇目光斜視... 大廚咖喱牛楠 $138加配 印度飛餅 $28咖喱不算太辣, 略有鹹味, 配合飛餅吃就把味道平衡, 牛楠煮得夠入味, 入口鬆化, 不錯好吃! 個人覺得汁醬的鹹味比辣味重, 可以淡一點會更好。飛餅要襯熱點咖喱汁食, 放涼後就變硬身不好吃。廚師沙律 (配千島醬) $98見餐牌上的圖片幾吸引, 實物果然很豐富, 不過沙律醬太多,哈哈! 服務態度很好, 店員都不停幫你添水, 沒有限時可以慢慢食, 聊聊天。…查看更多

之前打過去問，原來唔係每日都有適合素食者食既午餐，而且日日都唔同午餐，所以要打去問。到目前我都唔知邊日係有黑松露雜菌長通粉食><今次落到去發現係無黑松露雜菌長通粉，唯有食住卡邦尼意粉走煙肉先啦。落單果陣職員仲好好心問我想隻蛋點整、問我熟蛋﹝佢講到明係太陽蛋﹞好唔好，我好清楚地答「好」。野食未到之前，我地經歷左幾次「風災」，絕對有好似地鐵車廂入面咁大風。事關店中間、唔係正門位置有別一道門，都好多客出出入入，而我地剛剛坐正度門則邊….前後開左十幾次….吹到頭都痛埋。同事既菜式黎啦！嘩！不論豬扒同牛扒擺碟賣相都好靚，佢地仲話份量足，肉質好無渣添。不過好少餐廳用荷蘭豆做伴碟，我同事唔鐘意食就俾曬我。終於到我個卡邦尼意粉走煙肉黎啦，咪住先，我搵勻成碟、叫埋同事一齊搵都唔見有隻蛋><。跟住我即刻同職員反映，佢話佢唔知…..之後佢幫我問完廚房話「你話要熟蛋嗎，廚師同你撈左落去啦。」下？仲將個波推返俾我？咁多對耳都聽到你自己話熟蛋即係太陽蛋喎….俾我係個職員一定那那聲叫廚房煎返隻蛋出黎俾個客、唔會扮無左件事囉，一隻蛋有幾貴？！個卡邦尼意粉食落好大陣湯底味，實在太濃啦><，連我本身食開重味都覺得好咸。不過抵讚既係菇粒切得算大粒、幾有口感。一個午餐仲有甜品就夠曬爽啦，是日甜品-啫喱！都算大杯呀，而且我要求綠色同多花奶又真係ok喎！下次我都會再黎試下其他野食既。…查看更多

吃完了一頓愜意的小品京川滬菜，週末的食慾仍有餘額。到大廈樓下準備離開時，又看了一遍到埗時吸引了我目光的宣傳牌。なに？下午茶多士餐才十八塊？頓然勾起我的奶茶癮，再進電梯往上走。細看水牌，才知她與四五樓的京川滬菜館屬同一集團。難怪在裝潢上也可見一斑。 即使要收加一，最便宜的厚多士茶餐廿蚊就落到樓。我們選了咖央多，麵包是夠厚，不過烘得未夠，燙和脆口都未如理想。 至於炸雞脾則是令人滿意，件頭合理 (未至於大)，最重要的是料靚，吃不出雪藏的味和肉質，炸得透而不乾。同伴現場用鹽和胡椒粉自製淮鹽，她的創意常令美食更美味！沙律份量稍嫌孤寒，真是「雜果」而不混薯仔；伴碟的沙律菜似曾相識，原來是剛剛才在樓下吃過的翡翠苗。 素有準備者，舉手投足都可以看出。餐飲在沒有事先要求下，主動「後上」，光這點就掙到不少分數。Grand Menu 中索價 30 元的一杯奶茶，是這下午茶的亮點：茶甘而不過濃、奶加上volume而不過厚，真的不錯！如果 gourmet coffee 夠膽收 40 元以上，這杯奶茶的性價比亦不弱；可況現在連食品都不過廿皮！ 把 Grand Menu 拿來看了一遍，價錢並不便宜；但若是忠於港式西餐的傳統 (這並不容易，連莎厘娜的復刻版也倒下了，便知那出品水準並不易為)，倒是值得花。直接來試，或許風險太大；不如改天來嚐午餐，作為踏腳石吧！…查看更多

如果想係煩喧既灣仔區搵一間坐得舒服又寧靜既餐廳，我會推介伙伙餐廳。鴛鴦蝦多士($68) 炸得香脆而不油，多士唔會話索晒D油而油淋淋，蝦膠份量適中，有芝麻既蝦多士就更加香口，點少少沙律醬就更加出色！ 下層係多士，上層就係蝦膠～吉列釀蟹蓋($98) 蟹蓋釀得好飽滿，用麵包糠炸到金黃，除左蟹肉絲，我唔太食得出入面仲有其他咩材料，因為其他材料址為絲狀。不過調味足夠，咸咸地，味道有D似馬介休！ 香口野食點上沙律醬就更美味開胃。 香煎虎蝦金目鱸魚柳(牛油香草汁)($198) 金目鱸魚細嫩軟口，魚皮帶點微脆，魚肉煎得剛好，不會變散，虎蝦夠大隻，啖啖肉，用左惹味既牛油香草汁，想啜埋個蝦殼～～伴碟既著蓉都唔錯呢，夠晒細滑。古法焗厚切豬扒飯($118) 豬扒用左吉列既方式整，肉質頗腍，已經切成條狀，食起上黎好方便。醬汁開胃，而且再加左少少芝士，唔經唔覺食晒成碟飯。法式焦糖布丁($68) 焦糖燉蛋係幾滑同creamy，但我自己唔太接受到佢既味道，因為蛋黃味非常濃，朋友就幾中意喇～～ 餐牌 …查看更多

是日-草根家庭日，一家四口去咗灣仔，細細個果陣草根爸媽好中意帶草根食港式西餐廳，味道點都冇死。而家人大左，帶番佢地去食番餐港式西餐廳回味下細個份情懷。今次去呢間算係新派港式餐廳，食物好多選擇，由地道港式豉油雞翼、蝦多士，到近年好興嘅龍蝦包都有得食今晚叫左4個主食，一個甜品。黑松露野菌薄餅(10吋) ($168) - Blac Truffle Sauce with Mushroom Pizza (10")個薄餅好好食呢，厚度係厚批同薄批之間，面頭鋪滿好香嘅黑松露醬，影相時已經好想食!!食落又更加不得了，拉到絲唔在講，有芝士咸香得嚟，野菌仲要係好香，令人食完一啖又一啖，完全停唔到口!!德國燒咸豬手 ($238) - Roasted Pork Knuckle呢個係店員極力向草根家推介嘅，豬手外皮炸得好酥脆，調味唔會好咸，而且份量十足。豬皮脆卜卜，食落一d都唔油膩，肉質仲好嫩滑添。豬手嘅骨膠原好厲害，感覺上食完對皮膚好補呢拌碟有2個醬，一個係黑椒汁，一個係淡口版芥辣，芥辣落咗蜜糖去調製，所以味道冇咁刺激，溫和得嚟帶甜味，草根都幾中意！伙伙龍蝦包 ($188) - Signature Lobster Roll龍蝦包中間真係有大大嚿龍蝦，真係唔好講少！伙伙餐廳呢個龍蝦好新鮮，仲食到有海鮮嘅鮮味。龍蝦肉質實肉彈牙，中間仲有唔少沙律醬，但係都掩蓋唔到龍蝦嘅鮮味，真係好驚喜旁邊嘅薯條熱辣辣，岩岩鮮炸嘅薯條真係好正，調味做得唔錯法國紅酒燴牛尾 ($178) - Stewed Oxtail in Red Wine Sauce牛尾睇落細細兜，但係其實裏面有3大嚿，嚿嚿都好入味。肉與骨之間嘅軟骨好軟腍，膠質嘅口感係草根最愛！紅酒汁帶微酸，味道不錯喔，而且配有紅蘿蔔等配菜，都幾豐富。草根仲得登加咗$28蚊要左客蒜蓉包，可以配上紅酒汁一起食，唔洗嘥哂廚房大佬嘅一番心思蒜蓉包塗上牛油，焗到外脆內軟，好食令人想Encall最後當然到甜品，草根選擇以火焰焗雪山  ($168)  - Bake Alaska作結由於草根細細個食咗一個劣質火焰雪山，所以有好多年冇再食lu(有d陰影)。今次膽粗粗叫咗個嚟試下，點知好食到暈!!店員會幫手點着淋咗酒精嘅雪山，好有睇頭，滿滿嘅藍色火焰呢~其實個雪山份量好大，外層燒至焦香，蛋白完全唔會腥，仲好輕身。中間有冰冰凍嘅朱古力同雲呢嗱雪糕，加上士多啤梨，藍莓等生果，底層以莎莉蛋糕做底。會唔會太好食？！  呢餐埋單$968，其實都唔平，回憶總要付點代價，從價格可知香港的物價上漲左幾多。不過同時餐廳服務超級好，服務員好有禮貌，仲主動幫我地轉碟，而且食物都係好食嘅，用餐廳感覺好好呢!值得再去!…查看更多