居食屋「和民」 (置富第一城)

营业中

休息中

午飯時段去到唔駛等位就直接入得去，餐廳座位寬敞，店員有禮，每次客人點菜他們都似足日本食店作風，會屈膝在地上為食客落單。而且每張餐桌上有瓶熱茶，可讓客人自斟自飲。午市時間多款不同定食，隨餐附送冷或熱飲一杯，凍飲唔駛加錢。滑蛋豬扒飯，粉漿做得適宜剛剛好薄薄一層包住豬扒，咬落少許香脆，加上蛋漿又包住每件豬扒，食落幾種層次囗感不錯，不過可惜白飯又乾又硬。吞拿魚壽司配蕎麥冷麵則一般，麵唔夠凍亦唔夠彈牙。三文魚帶子石頭鍋飯，熱騰騰呈上來，鍋底結上飯焦，焦香美味。