金鳳大餐廳 (D2 Place TWO)

营业中

休息中

之前聽人介紹金鳳，今次終於抽時間去食! 今次去D2place呢間分店，位置雖然唔多，但坐得闊落。今日早左收工，630到，唔洗等位，直接入座。7點打後就開始見到人龍啦! 黎金鳳，一定要試扒餐。叫左西冷牛扒餐，7成熟，可以簡黑椒汁/蒜蓉汁。扒餐自動配薯菜，今次簡左黑椒汁。跟餐有埋餐包同餐湯，羅宋湯足料，帶少少甜甜地。 餐包上台熱辣辣，可以整得融牛油架。一上菜時，店員會提醒我地拎起餐巾係面前擋一擋先倒黑椒汁，倒落去個下炸~ 一聲，好夠熱。塊扒好大塊，黑椒汁調得好好，好夠味。另外叫左金鳳皇牌焗豬扒飯，上台又係熱辣辣，豬扒好大塊，完全冇筋位。蕃茄汁好濃味，仲有好多拉到絲既芝士，配埋炒飯底簡直一流。仲要價錢好相宜!!!野飲叫左特色野，雪糕紅豆冰，雪糕係雲尼拿味，好食又好飲。