Go Inside Kitchen (已結業)

觀塘出名多好野食，去到觀塘緊係，又係工廈尋好東西。2個人黎到，其實都唔知食咩好，老友就想食西餐。係離地鐵站不遠處既工廈入內挑戰意大利菜。地方其實都唔算難搵，入去到以黑色為主色，其實都係普通工廈設計。不過我最鍾意係佢對面裕民中心既大窗，可惜我地早黎未算入黑，如果唔係燈光映下的觀塘，一定好浪漫。背景音樂係英文歌，不過不得不說，英文歌底下既重節奏，啪啪啪啪咁，太嘈啦。完全失去了意大利餐廳既感覺。食物方面，我們叫了香草意大利飯配羊鞍及大啡菇長通粉。先來意大利飯，煮得唔錯，熟度岩岩好，入口有口感，不錯。羊鞍煮得過左火，好難入口，味道又淡。再來既係大啡菇長通粉，大啡菇真係大啡菇，本來幻想係原隻上，點知係分上，失望。長通粉煮既時間岩岩好，重帶點鹽香。入口清新，可惜最後到底想不到滿滿的油正等待著我。好可怕經過今次，真係有苦有甜。哈哈，不過工廈我唔會放棄你地嫁。