湯底我哋叫咗鴛鴦鍋：青花椒麻辣湯＋芫荽皮蛋豬肉鍋。青花椒麻辣湯麻香十足，辣度適中，愈煮愈出味；芫荽皮蛋豬肉鍋就清新得嚟帶啲甜，皮蛋同豬肉嘅配搭出奇地夾，豬骨好好食，芫荽控必試！
套餐包咗特選澳洲和牛，油花均勻，輕輕一淖就食得，肉質嫩滑牛味濃。-澳洲和牛肩胛肉眼係必點，油花細緻，涮幾秒已經食得，入口即化～牛香濃郁但吾膩。
海鮮方面有蝦、蜆、鮑魚等等，新鮮唔錯。鮑魚爽口彈牙，港式懷舊款嘅響螺片 厚切爽口～花膠十分滋潤，海參好彈牙！
港式 x 台式小食方面，黑白煎堆仔嘅黑芝麻流心，甜但係唔膩！仲有街頭格仔餅、蚵仔煎～～但太飽都食唔到咁多，唯有下次先～
甜品叫左愛玉椰果芋圓，份量唔多但係足夠！清爽解膩～
另外仲有超過100款火料配料、小食、蔬菜同飲品任揀，款式多到眼花撩亂。
環境舒服，服務都幾好，不停幫我哋收碟加湯。120分鐘足夠慢慢食，唔會趕頭趕命。整體來講，$388有咁質素嘅和牛同海鮮，性價比高，會再encore！
