老友記廚房 (已結業)

今日去咗油塘覓食，好想食中菜，於是見到呢一間老友記廚房，佢嘅裝修都感覺坐得好舒服，於是就入去食個晚餐。我哋總共叫咗三個餸，分別係西蘭花炒鮮魷、麻辣雞煲同生炒骨三餸加兩個飯。我哋坐低咗冇耐已經上菜，所以係好新鮮熱辣辣嘅。佢嘅西蘭花炒鮮魷啲鮮魷好爽，感覺好新鮮，加埋西蘭花唔會炒到過熟，有嗰種爽口嘅感覺。而去嘅麻辣雞煲就份量都好多，而且味道非常濃厚，啱晒鍾意重口味嘅你哋。而佢嘅生炒骨有好多唔同嘅材料，例如菠蘿、洋蔥同無骨嘅生炒骨等等佢嘅醬汁都好出色，酸酸甜甜，非常開胃。而性價比方面，我哋埋單total三百幾蚊，唔算好貴，而佢每碟餸嘅份量都好多，我哋幾乎都食唔晒。