影片
15/4/2024映完魔鬼山日落，紧系去医肚😙喺Open rice 揾咗呢间老友记厨房试吓，即刻觉得好运气，拣啱咗🥰平靓正！！！ 我哋一行七人嗌咗两个套餐，$328龙趸三宝(金银蒜云耳蒸头腩、翡翠炒斑片、密椒薯仔牛柳粒）和$238精选三宝（凤梨生炒骨、豉汁蒸白鳝、椒丝腐乳通菜）另后加咗椒盐鲜鱿，每个小菜都够镬气，又好味，份量都好足够。还有点菜后餐厅奉送每人一盅无味精靓汤，当晚是眉豆鸡脚猪骨汤，好足料亦美味。 我自己就最欣赏个翡翠炒斑片及椒盐鲜鱿，前者味道适中，斑片啖啖肉够新鲜；后者够镬气，除咗炸蒜蓉外还夹杂咗少少咸蛋黄令整个鲜鱿更加香和惹味，伴酒一流😋 当然餐厅都有进步空间，例如个蒸头腩有点过火，但味道OK，还有凤梨生炒骨，用的是薄猪扒，上炸浆后略干硬，整体味道不俗，卖相好。 重点嚟喇，除咗以上嘅𩠌，我哋仲嗌咗四支啤酒就三罐汽水和四个白饭，全餐消费只系$892，每人除开只系$127.5, 劲抵食🔥🔥面对北上消费热潮，香港食肆好难维持，希望呢篇食评可以支持吓呢间良心食店，我哋一定会再帮衬，下次可以试吓个龙虾伊面餐，真心期待🥰⋯⋯
继续阅读
午市外卖自取，$35连冻饮。我买左两份，一份午餐同老虎两份，一份晚餐老虎同仔两份。仲有个柠底留番黎蒸马友。呢间小店食过几款猪肉既菜色都好高水准，除了厨子外，买手/供应商值一赞。肉饼Pizza咁大块，$35只限外卖现金自取，堂食要$53，而且优惠天天不同。（刚见到今日系蒜蓉蒸马头鱼，$40），老板话鱼会贵少少，而且呢间海鲜类食物都唔错，之前老虎仔食过粟米班腩饭（只系ABC类午餐Set），斑腩坚系新鲜班腩，唔系炸鱼柳，唔靓鱼唔食既老虎仔密密食食鬼哂，呢间小店既厨子系对食物出品坚有要求。
继续阅读
今晚同阿哥去油塘食晚饭，点了立肠炒芥兰，老友记小炒王。这小炒王几好味道，是该店出品。我和阿哥食了合共三碗饭，价钱合理可以接受，合适简单晚饭或饭局三五知己饮番杯都得。
继续阅读
试下呢间油塘街坊茶记大排档🤓环境好舒服，有各式各样大排档菜色💖大热天时食都唔怕，坐得舒服！✨油盐水浸蚬 够晒足料，每只蚬都胀卜卜！✨蜜椒薯仔牛柳粒 好惹味😍黑椒味浓，牛柳都好入味✨芝麻沙姜鸡 有配上芝麻和沙姜酱，香气和沙姜的微辣味好够，鸡肉嫩多汁菜色有镬气，价钱合理❣️一啲都唔嘈吵既，附近街坊值得一试！每一道料理，让来店用餐的客人都感受到香港大排档的美味，传承那个古早味，就是坚持，坚持港味原汁原味🥹
继续阅读
依家食小炒唔一定要去大排档，好多地区小厨都有唔错嘅质素。今次去油塘探朋友就试左呢间「老友记厨房」，有惊喜。霸王鸡餐牌有炸子鸡/霸王鸡/沙姜鸡，但想食鸡嘅鲜味就拣左霸王鸡，味道唔错，肉厚得嚟亦嫩滑。蜜椒薯仔牛柳粒嚟得小厨就一定要叫镬气小炒，今次试左蜜椒薯仔牛柳粒。牛柳粒肉质柔软，配上薯仔，青椒，腰果，口感丰富，加上满满嘅蜜糖爆炒，有镬气够惹味。分量比想像多，配饭一流。大堆介！油盐水浸蚬㨂多味清淡一点嘅油盐水浸蚬，份量充足，有咸酸菜做底味提鲜，蚬肉新鲜冇砂，值得一试
继续阅读