影片
更多
2006-01-07
16 浏览
除夕夜, 冇興趣出去d旺區同人迫, 亦因為泊0左街位要入錶入到12點, 議定同木頭人同埋小露靜靜地過除夕.要入錶, 就即係唔去得遠, 來回一定要2小時內. 屋企附近冇咩好食, 於是上0黎呢度搵下有咩好介紹啦. 當時心目中好渴望食個熱熱0既湯麵, 噤下噤下, 覺得吉利呢間未試過. 又好似幾得手喎, 就即刻拉住木頭人出發.呢間餐廳個舖比較細, 所以座位難免較迫, 不過我冇咩所謂. 我地點0左幾樣壽司, 兩個湯麵. 壽司好新鮮, size 大, 壽司飯軟硬有度, 而舖面0既刺身係厚切同夠長, 相當對版. 帶子鮮甜大隻, 出色! 木頭人就好欣賞劍魚腩. 我貪得意叫0左雙層蟹柳, 佢地用0左好食果隻蟹柳(唔識形容添)而唔係超市賣果種, 好好味! 望見隔離檯叫0既手卷都好足料, 差d想要個海膽手卷食下(好在冇叫, 原因見下文).食完幾件壽司, 因為size大, 都飽0左8成, 再0黎個份量頗大0既湯麵時, 我都擔心會食唔晒. 我本來要豬軟骨醬油湯麵, 木頭人就要豬骨湯底, 點知0黎果時調亂0左兩個麵0既湯底, 不過唔緊要啦, 反正兩樣都未試過, 一試無妨. 個豬軟骨真係炆得極林, 而且極入味, 係
要入錶, 就即係唔去得遠, 來回一定要2小時內. 屋企附近冇咩好食, 於是上0黎呢度搵下有咩好介紹啦. 當時心目中好渴望食個熱熱0既湯麵, 噤下噤下, 覺得吉利呢間未試過. 又好似幾得手喎, 就即刻拉住木頭人出發.
呢間餐廳個舖比較細, 所以座位難免較迫, 不過我冇咩所謂. 我地點0左幾樣壽司, 兩個湯麵.
壽司好新鮮, size 大, 壽司飯軟硬有度, 而舖面0既刺身係厚切同夠長, 相當對版. 帶子鮮甜大隻, 出色! 木頭人就好欣賞劍魚腩. 我貪得意叫0左雙層蟹柳, 佢地用0左好食果隻蟹柳(唔識形容添)而唔係超市賣果種, 好好味! 望見隔離檯叫0既手卷都好足料, 差d想要個海膽手卷食下(好在冇叫, 原因見下文).
食完幾件壽司, 因為size大, 都飽0左8成, 再0黎個份量頗大0既湯麵時, 我都擔心會食唔晒. 我本來要豬軟骨醬油湯麵, 木頭人就要豬骨湯底, 點知0黎果時調亂0左兩個麵0既湯底, 不過唔緊要啦, 反正兩樣都未試過, 一試無妨. 個豬軟骨真係炆得極林, 而且極入味, 係我暫時食過最好0既. d 麵亦煮得剛好, 湯底清甜, 少甚或冇味精, 呢個湯麵, 我會話係好! 響木頭人處畢返d醬油湯試下, 唔鹹, 清香, 夠味, 下次我一定要試番. 後來叫0左兩個冰沙試下, 我要0既雪梨冰好清甜, 亦好凍, 飲得出係用鮮果做, 雖然有加糖, 但唔重手, 飲完果種清甜仲響口入面, 好舒服~
招呼就得一個姐姐睇住, 亦實在容不下另一人響店內走動, 落單, 收碟, 上菜, 加茶, 帶位都係佢一個人做晒, 但完全唔覺得有被待慢0既感覺. 食物上得唔快, 餐單上亦標明因即叫即做, 請客人稍等, 我覺得完全可以體諒. 店內播住流行曲, 人客亦只係細聲傾計, 有一種閒適0既氣氛, 咁樣0既小店, 會令人想一再幫襯. 唯一要彈0既係, 食物水準唔錯, 但點解要用一包包0既wasabi? 是因為考慮到衛生問題嗎?
始終係港式日式食店, 水準唔能夠同高檔0既比, 但係咁0既價位俾到相當有水準0既食物俾客人, 我覺得都幾抵食喎!
张贴