街坊Cafe (已結業)

臨近聖誕節緊係要享受下節日氣氛啦😍難得出到旺角都想搵啲特別野食，其實旺角橫街近排都開左好多特別餐廳!今日咁岩行過見到呢間就入去試下啦!😆餐廳坐位都算闊落。四周圍裝飾都係畫上去富有香港代表性既卡通人物。因為太多選擇，我同男朋友唔想煩就決定食二人餐😂😂😂街坊素鮑參碗仔翅窩, 估佢唔到個鮑魚咁似😂😂應該係菇黎!!海參都好粗大😂十分足料👍👍👍味道都十分似傳統碗仔翅👍呑拿魚蟹子沙律同樣出色👍👍男朋友食肉怪黎，一定要食扒。所以我地揀左個安格斯肉眼七成熟。有啲韌同薄...薯條反而好食喎!!呢到既意粉係比較出色，夠大份!!硯都有好多隻😍呢到二人餐飲品有二個系列可以選擇，二個系列既飲品名都比較特別😂我揀左, 係特濃咖啡加朱古力，味道真係夠曬朱古力👍👍咖啡味都好香。男朋友就叫左味道都不錯!!啲色好靚😍襯個星星杯好有Feel!最後呢個甜品先係重點!!西多士係用法包整的!相當特別!諗都無諗過可以用法包整西多士😂仲配埋熱溶左既棉花糖加雪糕點黎食真係一流!!不過對男朋友黎講太甜，但對我黎講真係好夾👍👍!總括黎講呢間甜品同意粉做得比較出色，飲品都唔錯!可惜限時個半鐘。下次食完飯去食個甜品都唔錯!😂