Espuma (H8) (已易手) 新餐厅

好朋友生日,決定食個港女Tea慶祝下上網見到呢間都好似幾好,決定就試呢間啦!! 星期六嘅下午,book左位唔駛等,非常好!! 果然全場有8成都係食港女tea😆呢度只有一款,無乜選擇,有啲地方通常有兩款唔同畀你揀,呢度就只有波波呢款。如果以打卡黎講,呢一款Tea set就唔算得上係好靚,影相出黎既效果都一般(可能我攝影技術差啦😂)。至於食物味道方面,個Set一共有三層,入面咸&甜既都有,甜品就會比較上多少少。味道Overall都算okay,係有一個紅菜頭整既小食我個人接受唔到陣味...而其他都正常水準始終我對呢種Tea set既食物都唔會要求太高。而份量方面,兩個女仔食係絕對足夠,慢慢傾下偈,環境又唔會嘈,開開心心咁過左一個下午。