韓台站 (已結業)

是咁的，今日約咗老師繼續學單車，今次由大圍出發踩到去馬鞍山。不經不覺已到黃昏，作為乖學生當然要請返老師食返餐謝師宴。一間主打台灣同埋韓國食物嘅餐廳居然播廣東歌，但有Eason, Joey陪住食飯都唔錯。個汁望落雖然有啲稀但比想像中濃味，味道唔會太辣仲甜甜地唔錯。年糕就韌韌地幾有嚼口。份量比想像中多，中間嘅配料都好足料，味道甜甜地好好食。滷水蛋有滷味，滷肉碎有滷味，湯底無滷味。隻蝦明顯係冰鮮蝦，蝦肉好霉。整體味道猶如人生般平平淡淡。炸粉略為偏厚，但雞肉炸完都仲幾嫩滑，配上甜辣醬幾惹味。味道有啲淡。老師話食咗咁多嘢不如踩返去大圍，我聽完頭也不回直接跳咗上車出發，留佢起到望住架巴士嘅車尾燈消逝而去。