影片
Hello 大家好👋🏻！今日我同友人嚟到位于马鞍山嘅「韩台站」， 一间带港人口味嘅韩国及台湾餐厅。美食攻略：今日我点咗个「大酱蚬肉有机豆腐汤饭」，话晒我呢个汤饭控，一定首选汤饭。 呢个汤饭… 老实讲同我食过嘅大酱汤真系有啲出入，可能调整咗迎合港人口味， 无咗韩国菜嘅味道😅。友人就点咗「茄子卤豆腐肉臊饭」，肉臊味道无正宗台湾肉臊果种甜味，不过胜在推头多，足够送饭。至于个茄子卤豆腐， 卖相真系麻麻， 茄子同豆腐本身比较淡口， 加卤水汁上去会有啲味，但系酱汁同食材嘅味道好似分开咗， 简单讲茄子同豆腐都唔入味😞。而餐饮冻斋啡同奶茶就不过不失。可能餐厅为咗配合港人口味而调整食物口味，但就好似无咗食物嘅灵魂，食物味道有待改善，胜在低食😅。美食指数：5🌝最高味道：🌝🌝🌜🌚🌚环境：🌝🌝🌜🌚🌚服务：🌝🌝🌜🌚🌚卖相：🌝🌝🌜🌚🌚
继续阅读
传统寿司配韩式拌粉丝侍应把餐放上枱时，已有好大阵麻油味，韩式拌粉丝理所当然食既时候只系得麻油味，需要自己加一些酱料去拌匀，就会好食啲😛值得一赞既系传统寿司，寿司饭唔会好硬，而且寿司包住的腌制了的黄萝卜好爽口😍即使系下午茶都好多选择，人流不算太多，坐得舒服，好适合同朋友吹下水👭
继续阅读
呢间嘢唔系我想去，而系我啲朋友search到呢间餐厅，所以先一齐试吓好唔好食。初初见到个价钱，大概$50就食到一碗野，价钱算合理，所以就冇谂咁多，就入咗去坐，叫咗一碗大约$50嘅红烧牛腩面，点知正正系因为呢碗红烧牛肉面，改变左我嘅世界观，因为呢碗红烧牛腩面，唔系一般嘅难食，系好难食！首先，佢所谓嘅红烧牛腩面，其实就系比一碗垃圾车仔面，然后另外比多碗牛腩，然后果碗牛腩啲汁完全就系罐头汁。果碗牛腩嘅味道犹如将腐烂嘅肉揼落去坑渠水，再执返上嚟食一样。至于𠮶碗面，我认为系同食胶圈无分别，完全无味道。结果，碗牛腩我净系食咗一啖，如果碗面我就食咗五啖，冇错，我记得晒我究竟食咗几多啖，就系难食到佢呢一个地步。你哋要记住，呢一碗红烧牛腩面系值$50！所以，大家真系唔好去，否则将会怀疑人生！
继续阅读
有时想食韩国野，就钟意叫韩台站嘅外卖。韩式拌粉丝有好多粉丝同埋蔬菜，就无乜其他配料，胜在炒得几香，麻油味十足。叫左两款紫菜饭卷，一款系午餐肉，一款系芝士。紫菜都仲脆脆地，包住腌萝卜、鱼片、午餐肉等材料，其实两类相差唔太大。有芝士味道系特出一点。牛肉什锦拌饭牛肉都唔少，仲有一只太阳蛋，最好就系拌上韩式辣椒酱，辣辣地几好味。蜜糖芥末炸鸡块份量都唔少，大大旧，就普普通通嘅一件用炸粉包住嘅鸡肉。个酱都ok嘅。外卖份量都相当多。价钱平，系好抵食。马鞍山少韩国野食，止痕之选。
继续阅读
外卖叫咗芝士炸鸡同海鲜饼，芝士炸鸡佢够胆死比两款唔同炸粉既鸡块👍🏻请问芝士喺边呢？好细心咁芝士另俾，系芝士水至岩，定生粉水？！海鲜饼成口粉都算，系酸！劣到！
继续阅读