影片
更多
2017-08-19
2134 浏览
今日放假就打算同家中女皇同大帝出去銅記行下街食下野，不過今日訓晏左~出到去都已經12點幾.....所以都係睇下佢地想食乜再坐低同佢食左野先慢慢行街啦帶左佢哋兩個去金百利廣場嗰邊睇下想食乜，個度其實真係有好多選擇，最後女王揸fit揀咗一間喺8樓食川菜嘅餐廳午市期間除左有價錢相宜嘅套餐之外，仲唔需要收取加一服務費加上而家新張試業仲有全單8折嘅優惠，難怪週六既午市都咁多座上客啦呢度其實有唔少酒精類既飲品，不過只係中午時份，都係保持清醒好啲所以我地都係跟餐要兩杯凍飲就ok啦我地首先點左啲涼菜：“椒拌松花蛋”折後HKd$33.6皮蛋流心無怪味，加上調味得宜，令我一口氣就獨自食左5-6舊幸好份量唔少，我地三人分吃剛剛好“小龍坎口水雞”折後HKd$64.2相對之下，口水雞就比較遜色味道不如期望，不麻不辣，而雞肉亦不算嫩滑,比較嚡口...“成都涼麵”折後HKd$28涼麵係我中意既麵質，軟硬適中配上醬料同花生芝麻碎，味道香口帶辣，麵底下仲有清爽既青瓜絲，正呀之後就點左兩個飯餐：“酸菜魚”折後HKd$60.8估唔到套餐既酸菜魚都有咁大兜，而且入面仲有份量超多既嫩滑魚肉同酸菜(好似食極都仲有咁，食到最後都仲
帶左佢哋兩個去金百利廣場嗰邊睇下想食乜，個度其實真係有好多選擇，最後女王揸fit揀咗一間喺8樓食川菜嘅餐廳
午市期間除左有價錢相宜嘅套餐之外，仲唔需要收取加一服務費
加上而家新張試業仲有全單8折嘅優惠，難怪週六既午市都咁多座上客啦
呢度其實有唔少酒精類既飲品，不過只係中午時份，都係保持清醒好啲
所以我地都係跟餐要兩杯凍飲就ok啦
我地首先點左啲涼菜：“椒拌松花蛋”折後HKd$33.6
皮蛋流心無怪味，加上調味得宜，令我一口氣就獨自食左5-6舊
幸好份量唔少，我地三人分吃剛剛好
“小龍坎口水雞”折後HKd$64.2
相對之下，口水雞就比較遜色
味道不如期望，不麻不辣，而雞肉亦不算嫩滑,比較嚡口...
“成都涼麵”折後HKd$28
涼麵係我中意既麵質，軟硬適中配上醬料同花生芝麻碎，味道香口帶辣，麵底下仲有清爽既青瓜絲，正呀
之後就點左兩個飯餐：
“酸菜魚”折後HKd$60.8
估唔到套餐既酸菜魚都有咁大兜，而且入面仲有份量超多既嫩滑魚肉同酸菜(好似食極都仲有咁，食到最後都仲有酸菜要剩低)
酸菜魚味道既酸又辣，真心會令人愈食愈開胃
“剁椒蒸大魚頭”折後HKd$64.2
魚頭唔算好大，但都有唔少肉食！蒸得惹味，咸鮮帶辣既魚肉拎黎送飯簡一流呀
女皇同我都想食啲菜，所以仲散點多碟“清炒時菜(菜花)”折後HKd$46.4
碟菜炒得唔油膩，清清地，岩囇我心水
食到最尾諗住起身埋單既時候，店員姐姐仲嗌我地唔好走住，叫我地食埋佢地免費增送既生果先
食完辣野有火龍果幫個喉嚨降降溫，係爽既
我地三個人叫左咁多野食，飲飽食醉咁埋單，人均都唔洗100蚊！真係好抵食
雖然渝川菜唔係我既最愛，但呢度鮮嫩幼滑既魚就教我心醉不已
臨走既時侯仲見到隔離檯叫左烤魚，大大盆兼香噴噴，好吸引呀
-
下次一定要約埋一班“魚痴”朋友一齊試下，仲可以成班人啤啤佢添，諗起都覺得正
张贴
