不要對我尖叫，日常茶間， (戲曲中心) (已結業)

個人平時唔係話好鐘意台式飲品，因為大部份都覺得比較重口味，飲完會有種甜膩既感覺。而依間就比較岩我口味，因為佢係走清香味道既茶飲，所以飲落唔會話好濃好膩，而係有淡淡既茶香味。今次叫左杯少甜走冰既蜂蜜菊花普洱加白玉珍珠，飲落去唔會係好濃既普洱茶味，而係有d似冷泡茶既淡淡茶香，而中間都會飲到有陣陣既蜂蜜同菊花味道，整體味道都好夾，亦唔會話搶左d茶味。另外佢d白玉珍珠都好Q彈，而且份量都幾多，每一啖都食到好多珍珠。整體黎講，如果你係比較鐘意清香茶品，咁依間係個唔錯既選擇，但如果鐘意較濃郁味道既話，咁依個就未必係你杯茶啦～